ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ວາລະສານທຸລະກິດລາຍສັບປະດາບຼຸມເບີກຂອງອາເມຣິກາ ໄດ້ພິມບົດຄວາມ ໂດຍລະບຸວ່າ: ຝ່າຍທີ່ກ່ຽວຂ້ອງຂອງຈີນໄດ້ຝັງຊິບຂະໜາດນ້ອຍໆຊະນິດໜຶ່ງເຂົ້າໃສ່ຜະລິດຕະພັນຂອງບໍລິສັດອາເມຣິກາປະມານ 30 ແຫ່ງ ເພື່ອຫວັງຈະສືບໄດ້ຄວາມລັບ. ບົດຂ່າວດັ່ງກ່າວກໍຖືກບໍລິສັດທີ່ກ່ຽວຂ້ອງຕາມການລາຍງານຂ່າວ ລວມທັງບໍລິສັດແອບເປີນ, ອາເມຊອນ ແລະ ຊຸບເປີ ໄມໂຄຣ ເປັນຕົ້ນຕອບໂຕ້ທັນທີ ໂດຍກ່າວວ່າ: ຜະລິດຕະພັນຂອງບໍລິສັດຕົນບໍ່ໄດ້ຖືກຈີນຝັງຊິບໃສ່ ແລະ ກໍບໍ່ເຄີຍລາຍງານຕໍ່ລັດຖະບານອາເມຣິກາກ່ຽວກັບເລື່ອງນີ້ຕາມທີ່ເປັນຂ່າວ. ຈາກນັ້ນ, ກະຊວງຮັກສາຄວາມໝັ້ນຄົງດິນແດນຂອງອາເມລິກາກໍໄດ້ອອກຖະແຫຼງການ ໂດຍລະບຸວ່າ: ບໍ່ມີເຫດຜົນທີ່ໜ້າສົງໄສຕໍ່ຖະແຫຼງການປະຕິເສດຂອງບໍລິສັດເຫຼົ່ານີ້.
ໃນວັນທີ່ຂ່າວສານບຼຸມເບີກລາຍງານຂ່າວດັ່ງກ່າວ, ທ່ານໂຣເບີດ ກຸນ ນັກວິຊາການດ້ານບັນຫາສາກົນທີ່ມີຊື່ສຽງຂອງອາເມຣິກາ ແລະຖືກຂະໜານນາມວ່າເປັນນັກວິຊາການຮູ້ເລື້ອງຈີນ ໄດ້ເປັນແຂກຮັບເຊີນໃນລາຍການໂທລະພາບຖ່າຍທອດສົດຂອງບຼຸມເບີກ ແລະ ເມື່ອຕອບຄຳຖາມກ່ຽວກັບເຫດການທີ່ວ່າ “ຊິບສືບຂ່າວຂອງຈີນ” ນັ້ນ, ທ່ານກຸນ ຊີ້ໃຫ້ເຫັນວ່າ: ການຝັບຊິບທີ່ມີເຈຕະນາຮ້າຍເຂົ້າໃສ່ຄອມພິວເຕີ ເພື່ອຫວັງຈະສືບໄດ້ຄວາມລັບໜ້ອຍໜຶ່ງຂອງບາງບໍລິສັດນັ້ນຖ້າຫາກວ່າມີ, ຖ້າວ່າຖືກຄົ້ນພົບກໍຈະເຮັດໃຫ້ຕ່ອງໂສ້ການສະໜອງຂອງປະເທດຝັງຊິບທີ່ມີເຈຕະນາຮ້າຍນັ້ນປະສົບຄວາມເສຍຫາຍໝົດ. ສະນັ້ນ, ເປັນອັນຈະແຈ້ງແລ້ວວ່າ ບໍ່ມີໃຜຈະຕັດສິນໃຈເຮັດແບບໄດ້ບໍ່ກຸ້ມເສຍແບບນີ້.
ທ່ານວິນລຽມ ໂອເວີຮອນ ນັກຄົ້ນຄວ້າຊັ້ນສູງຈາກສູນອາຊີ ມະຫາວິທະຍາໄລຮາເວີດ ກໍກ່າວວ່າ: ເຫດການທີ່ວ່າ “ຊິບສືບຂ່າວ” ນັ້ນແມ່ນເລື່ອງຄວາມເປັນຈິງຫຼືບໍ່, ພຽງແຕ່ໃຫ້ນັກວິຊາການກວດສອບຕາມລະບຽບການ ກໍສາມາດໄດ້ຜົນສະຫຼຸບແລ້ວ.
ຄຳເຫັນ
0