ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານລູ້ຄ່າງ ໂຄສົກກະຊວງການຕ່າງປະເທດຈີນ ໄດ້ຖະແຫຼງຂ່າວໃນວັນທີ 16 ຕຸລານີ້ວ່າ: ຈີນມີສິດອະທິປະໄຕຢ່າງເຕັມສ່ວນເໜືອດິນແດນເກາະຕ່າງໆຢູ່ທະເລຈີນໃຕ້ພ້ອມເຂດທະເລອ້ອມແອ້ມເກາະເຫຼົ່ານັ້ນ. ຈີນເຕືອນໃຫ້ຝ່າຍອາເມຣິກາຢຸດຕິການທຳລາຍສິດອະທິປະໄຕແລະຜົນປະໂຫຍດທາງດ້ານຄວາມໝັ້ນຄົງຂອງຈີນ, ຄວນປະພຶດຕົນເອງໃຫ້ເປັນຜູ້ສ້າງສັນຕິພາບແລະສະຖຽນລະພາບຢູ່ທະເລຈີນໃຕ້ ແຕ່ບໍ່ແມ່ນຜູ້ທຳລາຍ.
ຂ່າວລາຍງານວ່າ ເມື່ອບໍ່ດົນມານີ້, ຜູ້ນຳອາເມຣິກາໄດ້ຫວ່ານຖ້ອຍຄຳ ໂດຍກ່າວວ່າ: ຈີນເຮັດໃຫ້ເຂດທະເລຈີນໃຕ້ກາຍເປັນເຂດທີ່ມີລັກສະນະໄປໃນທາງການທະຫານ ແລະ ຍັງໄດ້ລົບກວນຢ່າງເລືອດຮ້ອນຕໍ່ກຳປັ່ນຮົບອາເມຣິກາທີ່ກຳລັງດຳເນີນ “ການເດີນເຮືອຢ່າງເສລີ” ຢູ່ທະເລຈີນໃຕ້. ຕໍ່ກັບເລື່ອງນີ້, ທ່ານລູ້ຄ່າງ ກ່າວວ່າ: “ອາເມຣິກາແທນທີ່ຈະຍອມຮັບຄວາມຜິດຂອງຕົນ ກັບຢ້ອນມາຕຳໜິຜູ້ອື່ນ ຈຶ່ງໄດ້ຫວ່ານຖ້ອຍຄຳດັ່ງກ່າວອອກມາ. ຈີນມີສິດອະທິປະໄຕຢ່າງເຕັມສ່ວນເໜືອເກາະຕ່າງໆຢູ່ທະເລຈີນໃຕ້ພ້ອມເຂດທະເລອ້ອມແອ້ມເກາະເຫຼົ່ານັ້ນ, ຈີນດຳເນີນການກໍ່ສ້າງໃນທາງສັນຕິຢູ່ເທິງດິນແດນຂອງຕົນເອງ ລວມທັງການຕິດຕັ້ງລະບົບປ້ອງກັນທີ່ຈຳເປັນ ແມ່ນເປັນການນຳໃຊ້ສິດປ້ອງກັນຕົວເພື່ອຄວາມຢູ່ລອດແລະສິດປ້ອງກັນຕົວຂອງປະເທດອະທິປະໄຕທີ່ຖືກຕ້ອງຕາມກົດໝາຍສາກົນ ແຕ່ບໍ່ໄດ້ກ່ຽວຂ້ອງຫຍັງກັບຖ້ອຍຄຳທີ່ວ່າ “ມີລັກສະນະໄປໃນທາງການທະຫານ”. ເສລີພາບໃນການເດີນເຮືອ ແລະ ການບິນຜ່ານເຂດທະເລຈີນໃຕ້ບໍ່ມີບັນຫາແຕ່ຢ່າງໃດ ແຕ່ອາເມຣິກາພັດຊູຄັນທຸງ “ເດີນເຮືອແລະບິນຜ່ານຢ່າງເສລີ”, ສົ່ງກຳປັ່ນຮົບແລະຍົນຮົບແລ່ນເຂົ້າໃກ້ເກາະຕ່າງໆຂອງຈີນຢູ່ທະເລຈີນໃຕ້, ຊ້ຳບໍ່ໜຳຍັງໄດ້ລ່ວງເຂົ້ານ່ານນ້ຳໝູ່ເກາະ ຊີ່ຊ່າ ຂອງຈີນຕາມລຳພັງ ການກະທຳເຫຼົ່ານີ້ຈຶ່ງເປັນການກະທຳທີ່ສ້າງສະຖານະການໃຫ້ເຄັ່ງຕຶງ ແລະ ເຮັດໃຫ້ເຂດທະເລຈີນໃຕ້ກາຍເປັນເຂດທີ່ມີລັກສະນະໄປໃນທາງການທະຫານ.
ຄຳເຫັນ
0