ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ກອງປະຊຸມປະຈຳປີຂອງເວທີປຶກສາຫາລືວັດທະນະທຳໂລກໄທ້ຫູຄັ້ງທີ 5 ໄດ້ໄຂຂຶ້ນຢູ່ນະຄອນຫຼວງປັກກິ່ງໃນວັນທີ 18 ຕຸລານີ້ ທ່ານສີຈິ້ນຜິງ ປະທານປະເທດ ສປ ຈີນໄດ້ສົ່ງສານອວຍພອນເຖິງກອງປະຊຸມ.
ສານອວຍພອນຂອງທ່ານສີຈິ້ນຜິງລະບຸວ່າ, ການແລກປ່ຽນແລະຖອດຖອນບົດຮຽນເຊິ່ງກັນແລະກັນດ້ານວັດທະນະທຳແມ່ນພະລັງແຮງທີ່ສຳຄັນໃນາການຊຸກຍູ້ສັນຕິພາບໂລກ ແລະຄວາມສີວິໄລຂອງມວນມະນຸດໃຫ້ກ້າວໄປໜ້າ. ມະນຸດໄດ້ພັດທະນາກ້າວໄປໜ້າທ່າມກາງຄວາມເຂົ້າໃຈເຊິ່ງກັນແລະກັນລະຫວ່າງເຊື້ອຊາດແລະວັດທະນະທຳທີ່ຕ່າງກັນ. ກອງປະຊຸມປະຈຳປີນີ້ຂອງເວທີປຶກສາຫາລືວັດທະນະທຳໂລກໄທ້ຫູມີຫົວຂໍ້ຫຼັກຄື: ການສົນທະນາດ້ານວັດທະນະທຳ----ສ້າງປະຊາຄົມຮ່ວມຊາຕາກຳຂອງມວນມະນຸດ ຊິ່ງຈະມີຜົນດີຕໍ່ການໃຫ້ທຸກຝ່າຍສ້າງຄວາມເຂົ້າໃຈກັນ, ທ້ອນໂຮມຄວາມຮັບຮູ້ທີ່ເປັນເອກະພາບກັນ, ລົງເລິກການຮ່ວມມື ແລະຊຸກຍູ້ຄວາມອະລິຍະທຳຂອງໂລກ, ແລກປ່ຽນແລະ ຖອກຖອນບົດຮຽນເຊິ່ງກັນແລະກັນ.
ທ່ານສີຈິ້ນຜິງເນັ້ນວ່າ, ຈີນມີຄວາມຄິດເຫັນໃນການສ້າງສາຍພົວພັນສາກົນແບບໃໝ່ທີ່ເຄົາລົບເຊິ່ງກັນແລະກັນ, ຍຸດຕິທຳ, ເປັນທຳ, ຮ່ວມມືກັນແລະຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ, ແລະຮຽກຮ້ອງໃຫ້ປະເທດຕ່າງໆຈົ່ງຮ່ວມແຮງຮ່ວມໃຈກັນ ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ຄຳເຫັນ
0