ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ໂດຍແນໃສ່ຄຳຕຳໜິວິຈານຂອງອາເມລິກາວ່າຈີນນຳໃຊ້ “ການຕ່າງປະເທດໜີ້ສິນ” ເພີ່ມອິດທິພົນຢູ່ທົ່ວໂລກ, ວັນທີ 17 ຕຸລານີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ, ຍ້ອນຄວາມຕ້ອງການທາງການເມືອງຂອງປະເທດຕົນ, ອາເມລິກາໄດ້ໃຊ້ຖ້ອຍຄຳຂີ້ຕົວະຕັ້ງຫຼາຍເທື່ອ, ປ່າວປະກາດຖ້ອຍຄຳທີ່ບໍ່ມີມູນຄວາມຈິງ, ເຮັດໃຫ້ຄົນຜິດຫວັງທີ່ສຸດ.
ໃນເວລາຕອບຄຳຖາມສຳພາດໃນກອງປະຊຸມຖະແຫຼງຂ່າວມື້ດຽວກັນ, ທ່ານລູ້ຄ່າງກ່າວເນັ້ນວ່າ, ໃນເວລາດຳເນີນການຮ່ວມມືບັນດາປະເທດພວມພັດທະນາ, ຈີນຍຶດໝັ້ນທັດສະນະທີ່ຖືກຕ້ອງກ່ຽວກັບຄວາມເປັນທຳ ແລະ ປະໂຫຍດ, ການຊ່ວຍເຫຼືອຂອງຈີນແມ່ນປາສະຈາກເງື່ອນທາງການເມືອງ.
ທ່ານກ່າວວ່າ, “ການຮ່ວມມືເຫຼົ່ານີ້ມີຜົນດີຊຸກຍູ້ປະເທດທີ່ກ່ຽວຂ້ອງພັດທະນາເສດຖະກິດສັງຄົມ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ຕົວຢ່າງ, ເສັ້ນທາງລົດໄຟມົມບາຊາ-ໄນໂຣບີທີ່ຈີນລະດົມທຶນ ແລະ ກໍ່ສ້າງນັ້ນ ໄດ້ຊ່ວຍໃຫ້ປະຊາຊົນເຄນຢາເກືອບ 5 ໝື່ນຄົນມີວຽກເຮັດງານທຳ. ປີ 2016, ແລວທາງເສດຖະກິດຈີນ-ປາກີສະຖານໄດ້ຊ່ວຍໃຫ້ GDP ປາກີສະຖານເພີ່ມຂຶ້ນ 2,5%. ແນ່ນອນແລ້ວ,ການຮ່ວມມືເຫຼົ່ານີ້ຈຶ່ງໄດ້ຮັບຄວາມຍ້ອງຍໍຊົມເຊີຍຈາກປະເທດ ພວມພັດທະນາທັງຫຼາຍ.”
ພ້ອມກັນນັ້ນ, ທ່ານຊີ້ອອກວ່າ, ປະເທດພວມພັດທະນາອັນກວ້າງໃຫຍ່ໄພສານກໍ່ຄອງຄອຍປະເທດທີ່ໄດ້ພັດທະນາແລ້ວຫຼາຍກວ່າເກົ່າ ເຊິ່ງລວມທັງອາເມລິກາຈະສາມາດສະໜອງການຊ່ວຍເຫຼືອແບບນີ້, ຫວັງໃຫ້ປະເທດທີ່ໄດ້ພັດທະນາແລ້ວສາມາດປະຕິບັດຕາມຄຳໝັ້ນສັນຍາຂອງຕົນ, ທັງສະໜອງການຊ່ວຍເຫຼືອທີ່ແທ້ຈິງໂດຍບໍ່ມີເງື່ອນໄຂທາງການເມືອງໃດໆຕາມຄວາມຮຽກຮ້ອງຕ້ອງການຕົວຈິງຂອງປະເທດທີ່ພວມພັດທະນາ.
ຄຳເຫັນ
0