ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ໃນກອງປະຊຸມເວທີປຶກສາຫາລືສື່ມວນຊົນເສດຖະກິດການເງິນແລະອົງການຄັງປັນຍາສາກົນຫົງຊຽວທີ່ຈັດຂຶ້ນໃນຕອນບ່າຍວັນທີ 5 ພະຈິກນີ້, ທ່ານເຊີ້ນໄຫສົງ ຜູ້ອຳນວຍການໃຫຍ່ສະຖານີວິທະຍຸໂທລະພາບສູນກາງຈີນກ່າວວ່າ, ຄຳເວົ້າທີ່ດີໃນຄຳປາໄສຂອງທ່ານສີຈິ້ນຜິງ ທີ່ກ່າວໃນງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດໄດ້ກາຍເປັນວາທະຍອດນິຍົມທາງອິນເຕີເນັດທັນທີ, ເປັນທີ່ຖືກໃຈຂອງຜູ້ໃຊ້ອິນເຕີເນັດຈີນແລະຕ່າງປະເທດ.
ທ່ານເຊີ້ນໄຫສົງ ກ່າວວ່າ, ຄຳປາໄສຂອງທ່ານສີຈິ້ນຜິງ ໄດ້ບັນລະຍາຍນະໂຍບາຍແລະມາດຕະການຂອງຈີນໃນການເປີດປະຕູສູ່ພາຍນອກ, ສະແດງໃຫ້ເຫັນຄວາມຈິງໃຈທີ່ສ້າງຜົນປະໂຫຍດຮ່ວມກັນກັບໂລກ, ແລະໄດ້ສະແດງໃຫ້ເຫັນຄວາມຮັບຜິດຊອບຂອງຈີນ. ຄຳທີ່ວ່າ “ເສດຖະກິດຈີນແມ່ນທະເລທີ່ກວ້າງໃຫຍ່ໄພສານ” “ການຮ້ອງເພງຮ່ວມກັນ” “ໄຟສາຍ” ແລະອື່ນໆໄດ້ກາຍເປັນວາທະຍອດນິຍົມທາງອິນເຕີເນັດທັນທີ, ເປັນຄຳທີ່ຖືກໃຈບຸກຄົນຈີນແລະຕ່າງປະເທດຢ່າງຫຼວງຫຼາຍ. ໃນຖານະເປັນງານວາງສະແດງສາກົນຂະໜາດໃຫຍ່ທີ່ເນັ້ນຫົວຂໍ້ຕົ້ນຕໍການນຳເຂົ້າງານທຳອິດໃນໂລກ, ງານວາງສະແດງຄັ້ງນີ້ໄດ້ສະແດງໃຫ້ເຫັນຄວາມຕັດສິນໃຈອັນເດັດດ່ຽວຂອງຈີນທີ່ເປີດປະຕູສູ່ພາຍນອກ, ທັງສະແດງໃຫ້ເຫັນທ່າທີອັນຕັ້ງໜ້າທີ່ຈີນເປີດຕະຫຼາດຕໍ່ໂລກຢ່າງເປັນເຈົ້າການ, ທັງໄດ້ສະແດງເຖິງຄວາມປາດຖະໜາຢ່າງຈິງໃຈທີ່ຈີນຍິນດີຕ້ອນຮັບປະເທດຕ່າງໆມີສ່ວນຮ່ວມແລະແບ່ງປັນໂອກາດການພັດທະນາໃໝ່ຂອງຈີນ.
ຄຳເຫັນ
0