ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມພິຈາລະນາສິດທິມະນຸດຂອງປະເທດຕ່າງໆຮອບທີ 3 ຂອງສະພາສິດທິມະນຸດອົງການສະຫະປະຊາຊາດໄດ້ຈັດຂຶ້ນຢູ່ເຊີແນວໃນວັນທີ 6 ພະຈິກນີ້, ທ່ານເລີ້ຢວີ້ເຊີງ ຮອງລັດຖະມົນຕີກະຊວງການຕ່າງປະເທດຈີນພ້ອມດ້ວຍຄະນະໄດ້ເຂົ້າຮ່ວມກອງປະຊຸມດັ່ງກ່າວແລະໄດ້ກ່າວປາໄສໂດຍມີຫົວຂໍ້ “ເດີນຕາມເສັ້ນທາງພັດທະນາສິດທິມະນຸດທີ່ມີສີສັນຂອງຈີນ, ຂຽນໜ້າໃໝ່ໃນປຶ້ມປະຫວັດສາດພາລະກິດສິດທິມະນຸດຂອງຈີນ”, ເພື່ອແນະນຳຜົນງານພັດທະນາທີ່ຈີນຍາດມາໄດ້ຢ່າງຮອບດ້ານ.
ໃນກອງປະຊຸມດັ່ງກ່າວ, ມີ 120 ກວ່າປະເທດເຊັ່ນ: ຣັດເຊຍ, ອາຟຣິກາໃຕ້, ປາກີສະຖານ, ກູບາ, ກຳປູເຈຍແລະປະເທດອື່ນໆໄດ້ປະກອບຄຳເຫັນ, ໂດຍສ່ວນໃຫຍ່ແລ້ວແມ່ນສະໜັບສະໜູນຜົນງານອັນໃຫຍ່ຫຼວງຂອງຈີນໃນການຊຸກຍູ້ແລະປົກປ້ອງສິດທິມະນຸດຂອງຈີນຢ່າງເຕັມທີ່, ເຫັນວ່າຄວາມຄືບໜ້າທີ່ຈີນໄດ້ຮັບໃນດ້ານການຫຼຸດຜ່ອນຄວາມທຸກຍາກແລະຊຸກຍູ້ເສດຖະກິດແລະວັດທະນະທຳສັງຄົມມີຄວາມໝາຍສຳຄັນ, ເປັນການປະກອບສ່ວນສຳຄັນເຂົ້າໃນການພັດທະນາແລະຄວາມກ້າວໜ້າຮ່ວມກັນຂອງປະເທດຕ່າງໆ.
ພາຍຫຼັງການພິຈາລະນາສິ້ນສຸດລົງແລ້ວ, ຜູ້ຕາງໜ້າຂອງຫຼາຍປະເທດທີ່ພວມພັດທະນາແລະປະເທດຕາເວັນຕົກໄດ້ສະແດງຄວາມຊົມເຊີຍຕໍ່ຄະນະຜູ້ແທນຈີນ.
ຄຳເຫັນ
0