ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມອິນເຕີເນັດໂລກຄັ້ງທີ 5 ໄດ້ໄຂຂຶ້ນຢູ່ເມືອງອູ່ເຈີ້ນແຂວງເຈີ້ຈ່ຽງຈີນໃນວັນທີ 7 ພະຈິກນີ້. ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍ.
ທ່ານສີຈິ້ນຜິງ ກ່າວວ່າ, ໂລກປັດຈຸບັນພວມເກີດມີການປ່ຽນແປງໃໝ່ດ້ານວິທະຍາສາດເຕັກນິກແລະຂະແໜງການທີ່ກວ້າງຂວາງກວ່າເກົ່າແລະເລິກເຊິ່ງກວ່າເກົ່າ. ອິນເຕີເນັດ, Big Date, ປັນຍາປະດິດ ແລະເຕັກນິກຂໍ້ມູນຂ່າວສານທັນສະໄໝອື່ນໆໄດ້ຮັບຄວາມຄືບໜ້າຢ່າງບໍ່ຢຸດຢັ້ງ, ເສດຖະກິດດີຈີຕອນໄດ້ພັດທະນາຢ່າງວ່ອງໄວ, ຜົນປະໂຫຍດຂອງປະເທດຕ່າງໆນັບມື້ນັບຕິດພັນໃກ້ຊິດກວ່າເກົ່າ.
ທ່ານສີຈິ້ນຜິງ ກ່າວເນັ້ນວ່າ, ເຖິງວ່າປະເທດຕ່າງໆໃນໂລກມີເງື່ອນໄຂແຫ່ງຊາດຕ່າງກັນ, ໄລຍະພັດທະນາດ້ານອິນເຕີເນັດຕ່າງກັນ, ແລະຜະເຊີນກັບສິ່ງທ້າທາຍຕ່າງກັນກໍຕາມ, ແຕ່ວ່າຄວາມປາດຖະໜາທີ່ຈະຊຸກຍູ້ການພັດທະນາເສດຖະກິດດີຈີຕອນ, ມີຜົນປະໂຫຍດຄືກັນໃນການຮັບມືກັບສິ່ງທ້າທາຍດ້ານຄວາມໝັ້ນຄົງທາງອິນເຕີເນັດ, ແລະມີຄວາມຕ້ອງການປັບປຸງພື້ນທີ່ອິນເຕີເນັດຄືກັນ. ປະເທດຕ່າງໆຄວນລົງເລິກການຮ່ວມມືທີ່ຕິດແທດຕົວຈິງ, ຖືການພັດທະນາຮ່ວມກັນເປັນກຳລັງແຮງແລະຕ່າງຝ່າຍຕ່າງມີຜົນປະໂຫຍດເປັນເປົ້າໝາຍ, ເດີນຕາມເສັ້ນທາງທີ່ໄວ້ເນື້ອເຊື່ອໃຈກັນແລະປັບປຸງຮ່ວມກັນ, ເຮັດໃຫ້ປະຊາຄົມຮ່ວມຊາຕາກຳທາງອິນເຕີເນັດມີຊີວິດຊີວາກວ່າເກົ່າ.
ຄຳເຫັນ
0