ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ທ່ານ ເຕວໂດໂຣ ໂລເຊນ ລັດຖະມົນຕີກະຊວງການຕ່າງປະເທດຟິລິບປິນກ່າວວ່າ, ຈີນແລະອາຊຽນພວມຊຸກຍູ້ການເຈລະຈາກ່ຽວກັບ “ກົດແຫ່ງການປະພຶດຢູ່ທະເລຈີນໃຕ້” ຫຼື COC. ທ່ານນາງ ຮວ້າຊູ່ນຢິງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມກ່ຽວກັບເລື່ອງນີ້ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 8 ພະຈິກຜ່ານມາວ່າ: ຈີນຈະສືບຕໍ່ຮ່ວມກັບບັນດາປະເທດອາຊຽນ ເຊິ່ງລວມທັງຟິລິບປິນ ເພື່ອຕັ້ງໜ້າຊຸກຍູ້ການປຶກສາຫາລື “ກົດແຫ່ງການປະພຶດຢູ່ທະເລຈີນໃຕ້” ແລະ ການຮ່ວມມືທີ່ແທດເໝາະກັບຕົວຈິງທາງທະເລ.
ທ່ານນາງ ຮວ້າຊຸ່ນຢິງ ກ່າວວ່າ: ການປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້ ແມ່ນສອດຄ່ອງກັບຜົນປະໂຫຍດຮ່ວມຂອງປະເທດໃນພາກພື້ນ, ແມ່ນຄວາມມຸ່ງມາດປາຖະໜາແລະໜ້າທີ່ຮັບຜິດຊອບຮ່ວມຂອງປະເທດໃນພາກພື້ນ. ຈີນຈະສືບຕໍ່ຮ່ວມກັບບັນດາປະເທດອາຊຽນ ລວມທັງຟິລິບປິນ ຕັ້ງໜ້າຊຸກຍູ້ການປຶກສາຫາລື “ກົດແຫ່ງການປະພຶດຢູ່ທະເລຈີນໃຕ້” ແລະ ການຮ່ວມມືທີ່ແທດເໝາະກັບຕົວຈິງ, ປັບປຸງສະພາບທີ່ດີຢູ່ແລ້ວໃນປັດຈຸບັນໃຫ້ດີຍິ່ງຂຶ້ນ.
ຄຳເຫັນ
0