ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຊຸດຝຶກອົບຮົມເຜີຍແຜ່ເຕັກນິກແກັສຊີວະພາບ ສປປ ລາວ 2018 ທີ່ມີກະຊວງການຄ້າຈີນເປັນເຈົ້າພາບແລະຈັດຕັ້ງປະຕິບັດໂດຍສະຖາບັນຄົ້ນຄວ້າວິທະຍາສາດແກັສຊີວະພາບກະຊວງກະສິກຳແລະຊົນນະບົດຈີນ ໄດ້ຈັດພິທີຈຸດທົດລອງເຜີຍແຜ່ເຕັກນິກແກັສຊີວະພາບຢູ່ນະຄອນຫຼວງວຽງຈັນໃນວັນທີ 14 ພະຈິກນີ້.
ຊຸດຝຶກອົບຮົມເຜີຍແຜ່ເຕັກນິກແກັສຊີວະພາບ ສປປ ລາວເປັນໂຄງການຊ່ວຍເຫຼືອຕ່າງປະເທດຝຶກອົບຮົມກໍ່ສ້າງຊັບຖະຍາກອນມະນຸດຂອງຈີນ ເຊິ່ງໄດ້ຈັດຊຸດຝຶກອົບຮົມຢູ່ລາວມາສອງຊຸດແລ້ວ, ສຳລັບຊຸດຝຶກອົບຮົມຊຸດນີ້ຈະມີສຳມະນາກອນ 100 ຄົນເຂົ້າຮ່ວມ.
ແກັສຊີວະພາບເປັນພະລັງງານສະອາດແລະມີປະສິດທິພາບສູງ, ດິນຟ້າອາກາດແລະເງື່ອນໄຂດ້ານການລ້ຽງສັດຂອງລາວເໝາະສົມທີ່ສຸດໃນ ການພັດທະນາແລະນຳໃຊ້ແກັສຊີວະພາບ, ຊຸດຝຶກອົບຮົມໄດ້ເພີ່ມທະວີການຖ່າຍທອດແລະແນະນຳການນຳໃຊ້ເຕັກນິກແກັສຊີວະພາບ ເພື່ອເຮັດໃຫ້ສຳມະນາກອນຮັບຮູ້ວ່າ ເຕັກນິກແກັສຊີວະພາບບໍ່ພຽງແຕ່ສາມາດທົດແທນພະລັງງານສ່ວນໜຶ່ງທີ່ໃຊ້ໃນການດຳລົງຊີວິດປະຈຳວັນ ແລະຫຼຸດຜ່ອນການຕັດໄມ້ທຳລາຍປ່າເທົ່ານັ້ນ, ຍັງສາມາດຫຼຸດຜ່ອນການປ່ອຍອາຍພິດເຮືອນແກ້ວອີກດ້ວຍ.
ຄຳເຫັນ
0