ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 15 ພະຈິກນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເຂົ້າຢ້ຽມຄຳນັບທ່ານວະລາດີເມຍ ປູຕິນ ປະທານາທິບໍດີຣັດເຊຍຢູ່ສູນປະຊຸມແລະວາງສະແດງສິງກະໂປ.
ທ່ານຫຼີເຄີ້ສຽງ ກ່າວວ່າ: ການຮ່ວມມືທີ່ຕິດແທດຕົວຈິງລະຫວ່າງຈີນ-ຣັດເຊຍຍັງມີຊ່ອງທາງອັນໃຫຍ່ຫຼວງທີ່ສາມາດເສີມຂະຫຍາຍໄດ້. ຈີນຍິນດີຮ່ວມກັບຣັດເຊຍສືບຕໍ່ລົງເລິກການຮ່ວມມືໃນຂົງເຂດການຄ້າແລະການລົງທຶນ,ພະລັງງານ,ການປະດິດສ້າງໃໝ່,ການທະນາຄານແລະຂົງເຂດອື່ນໆ, ຫຼຸດຜ່ອນ ເງື່ອນໄຂເຂົ້າເຖິງຕະຫຼາດເຊິ່ງກັນແລະກັນ, ເປີດກວ້າງການຄ້າແລະການລົງທຶນ, ຊຸກຍູ້ການປະຕິບັດໂຄງການວິທະຍາສາດເຕັກໂນໂລຊີລະດັບສູງ ເພື່ອເຮັດໃຫ້ການຮ່ວມມືຈີນ-ຣັດເຊຍສ້າງຄວາມຜາສຸກໃຫ້ປະຊາຊົນສອງຊາດ ແລະບັນລຸໃຫ້ຕ່າງຝ່າຍຕ່າງໄດ້ຮັບຜົນປະໂຫຍດຫຼາຍກວ່າເກົ່າ.
ທ່ານປູຕິນກ່າວວ່າ: ການນຳຂັ້ນສູງຣັດເຊຍ-ຈີນຮັກສາການແລກປ່ຽນຄວາມຄິດເຫັນເປັນປະຈຳນັ້ນມີຄວາມສຳຄັນຫຼາຍ, ຕົນຄອງຄອຍທີ່ຈະພົບປະກັບທ່ານປະທານສີຈິ້ນຜິງອີກຄັ້ງໃໝ່ໃນໄລຍະເຂົ້າຮ່ວມກອງປະຊຸມສຸດຍອດກຸ່ມ20ປະເທດຫຼືG20ທີ່ຈະຈັດຂຶ້ນຢູ່ນະຄອນຫຼວງບູນົສໄອເຣັດສ ປະເທດອາກຊັງຕີນໃນອີກບໍ່ດົນຂ້າງໜ້ານີ້. ຣັດເຊຍຍິນດີຮ່ວມກັບຈີນຈັດຕັ້ງປະຕິບັດຄວາມເປັນເອກະພາບກັນທີ່ໄດ້ຕົກລົງຮ່ວມກັນແລ້ວນັ້ນໃຫ້ໄດ້ຮັບປະສິດທິຜົນທີ່ດີ, ພ້ອມທັງຊຸກຍູ້ການຮ່ວມມືລະຫວ່າງສອງປະເທດໃນຂົງເຂດພະລັງງານ,ການບິນ,ການບິນອະວະກາດ,ວິທະຍາສາດເຕັກໂນໂລຊີ,ການຄົ້ນຄວ້າພັດທະນາຮ່ວມກັນ,ເສດຖະກິດດີຈີຕອນແລະຂົງເຂດອື່ນໆໃຫ້ໄດ້ຮັບຜົນສຳເລັດໃໝ່.
ຄຳເຫັນ
0