ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍຕອບສະໜອງຕາມຄຳເຊີນຂອງທ່ານໂລດຣີໂກ ຕູເດີເດ ປະທານາທິບໍດີຟິລິບປິນ, ທ່ານສີຈິ້ນຜິງ ປະທານປະເທດຈີນຈະເດີນທາງໄປຢ້ຽມຢາມຟິລິບປິນທາງລັດຖະກິດເປັນເທື່ອທຳອິດ, ນີ້ກໍ່ແມ່ນປະມຸກລັດຈີນຢ້ຽມຢາມຟິລິບປິນທາງລັດຖະກິດເທື່ອທຳອິດໃນຮອບ 13 ປີມານີ້. ຫວ່າງມໍ່ໆນີ້, ທ່ານຕູເດີເດໄດ້ໃຫ້ສຳພາດຕໍ່ສື່ມວນຊົນຈີນຢູ່ນະຄອນຫຼວງມານີລາ, ໂດຍໄດ້ຕອບຄຳຖາມຂອງນັກຂ່າວກ່ຽວກັບການພົວພັນລະຫວ່າງສອງປະເທດ ແລະ ການຮ່ວມມືລະຫວ່າງຟິລິບປິນກັບຈີນ.
ເມື່ອເວົ້າເຖິງວາລະວາວຽກການຢ້ຽມຢາມຟິລິບປິນຂອງທ່ານສີຈິ້ນຜີງເທື່ອນີ້, ທ່ານຕູເດີເດກ່າວວ່າ, “ທີ່ຈິງແລ້ວ, ທ່ານປະທານສີຈິ້ນຜິງຢ້ຽມຢາມຟິລິບປິນໃນໄລຍະດຳລົງຕຳແໜ່ງປະທານາທິບໍດີຂອງຂ້າພະເຈົ້າ ສາມາດເຮັດໃຫ້ພວກເຮົາເວົ້າດ້ວຍຄວາມພາກພູມໃຈວ່າຟິລິບປິນເປັນເພື່ອນມິດຂອງຈີນ”.
ທ່ານຕູເດີເດກ່າວວ່າ, ນັບແຕ່ທ່ານໄດ້ດຳລົງຕຳແໜ່ງປະທານາທິບໍດີຟິລິບປິນມານີ້, ການພົວພັນລະຫວ່າງຟິລິບປິນ ກັບ ຈີນໄດ້ຮັບການຟື້ນຟູ ແລະ ປັບປຸງດີຂຶ້ນ. ທ່ານຢ້ຽມຢາມຂອງທ່ານປະທານສີຈິ້ນຜິງເທື່ອນີ້ຍ່ອມຈະຊຸກຍູ້ການພົວພັນລະຫວ່າງສອງປະເທດໃຫ້ກ້າວຂຶ້ນສູ່ລະດັບໃໝ່.
ຄຳເຫັນ
0