ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສາລະຄະດີໂທລະພາບເລື່ອງ “ພວກເຮົາຢູ່ນຳກັນໃນປີຜ່ານມາ--ເປັນການເຄົາລົບການປະຕິຮູບແລະເປີດປະຕູສູ່ພາຍນອກຄົບຮອບ 40 ປີ” ທີ່ຄະນະໂຄສະນາອົບຮົມສູນກາງພັກກອມມູນິດຈີນ,ສະຖານີວິທະຍຸແລະໂທລະພາບສູນກາງຈີນຮ່ວມມືຜະລິດທີ່ມີ 18 ຕອນຈະເລີ່ມອອກອາກາດຢູ່ຊ່ອງ CCTV-1 ແຕ່ວັນທີ 2 ທັນວານີ້ເປັນຕົ້ນໄປເຊິ່ງຈະອອກອາກາດມື້ລະສອງຕອນ. ສາລະຄະດີດັ່ງກ່າວແມ່ນອີງຕາມຜົນສຳເລັດ,ການປະຕິຮູບແລະການປ່ຽນແປງທາງປະຫວັດສາດທີ່ໄດ້ຮັບໃນການປະຕິຮູບແລະເປີດປະຕູສູ່ພາຍນອກ 40 ປີຜ່ານມາ,ໄດ້ພັນລະນາເຖິງຂະບວນວິວັດແຫ່ງການພັດທະນາເສດຖະກິດສັງຄົມຈີນໃນຂົງເຂດຕ່າງໆ,ສະແດງໃຫ້ເຫັນພຶດຕິກຳທີ່ຍິ່ງໃຫຍ່ຂອງການປະຕິຮູບແລະການເປີດປະຕູສູ່ພາຍນອກຂອງຈີນ ທື່ມໃນ 40 ປີຜ່ານມາ.
ຂ່າວແຈ້ງວ່າ: ສາລະຄະດີດັ່ງກ່າວມີເນື້ອໃນການປະຕິຮູບທີ່ດີເດັ່ນ 107 ເລື່ອງ,ໜ່ວຍງານຖ່າຍທຳໄດ້ສຳພາດຜູ້ມີປະສົບການ,ຜູ້ເຂົ້າຮ່ວມ,ຜູ້ເປັນພິຍານການປະຕິຮູບ 183 ທ່ານ,ຍັງໄດ້ຄົ້ນຄວ້າຕຳລາປະຫວັດສາດຈຳນວນຫຼວງຫຼາຍ,ໄດ້ໃຊ້ເພງ,ຮູບເງົາແລະໂທລະພາບໃນທຸກຍຸກສະໄໝໃນ 40 ປີຜ່ານມາຕັດຕໍ່ເຂົ້າກັນເພື່ອບັນລະຍາຍການປະຕິຮູບໃນຕະຫຼອດໄລຍະຜ່ານມາ, ແລະຫວນຄືນຄວາມຊົງຈຳຮ່ວມກັນຂອງຜູ້ຊົມ.
ຄຳເຫັນ
0