ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບໍລິສັດ HIS Markit ທີ່ເປັນບໍລິສັດຂໍ້ມູນຂອງໂລກໄດ້ເປີດເຜີຍຕົວເລກດັດຊະນີຜູ້ຈັດການຝ່າຍຈັດຊື້ອຸດສາຫະກຳການຜະລິດຫຼື PMI ໃນວັນທີ 3 ທັນວານີ້ໂດຍສະແດງໃຫ້ເຫັນວ່າ: PMI ຂອງຟີລິບປິນໄດ້ເພີ່ມຈາກ 54 ໃນເດືອນຕຸລາຂຶ້ນເປັນ 54,2 ໃນເດືອນພະຈິກປີນີ້, ເຊິ່ງເປັນສະຖິຕິສູງສຸດໃນ 23 ເດືອນຜ່ານມາ. ນີ້ແມ່ນ PMI ຂອງອຸດສາຫະກຳການຜະລິດຟີລິບປິນສາມາດຮັກສາທ່າອ່ຽງແຫ່ງການເຕີບໂຕເປັນເດືອນທີ 4.
ທ່ານ ເດວິດ ໂອເວນ ນັກເສດຖະສາດ HIS Markit ກ່າວວ່າ: ເຖິງວ່າປະລິມານໃບສັ່ງຊື້ສິນຄ້າສົ່ງອອກໃໝ່ຂອງຟີລິບປິນໃນເດືອນພະຈິກໄດ້ຫຼຸດລົງໄວກວ່າໝູ່ໃນ 3 ປີຜ່ານມາກໍຕາມ, ແຕ່ຄວາມຕ້ອງການພາຍໃນທີ່ເຂັ້ມແຂງຂອງຟີລິບປິນກໍ່ສາມາດກຳຈັດຜົນກະທົບຈາກການສົ່ງອອກທີ່ຕ່ຳລົງນັ້ນໄດ້. ບົດວິເຄາະຂອງທ່ານເດວິດ ໂອເວນ ຊີ້ວ່າ: ຖ້າວ່າການຄ້າຂອງໂລກຊ້າລົງຈະມີຜົນກະທົບຕໍ່ການສົ່ງອອກຢ່າງຕໍ່ເນື່ອງ,ອາດຈະສາມາດສະກັດກັ້ນການເຕີບໂຕຂອງການຜະລິດຂອງອຸດສາຫະກຳການຜະລິດຟີລິບປິນໃນປີ 2019.
ຜົນການສຳຫຼວດຍັງສະແດງໃຫ້ເຫັນວ່າ: ວິສາຫະກິດການຜະລິດຂອງຟີລິບປິນເຫັນວ່າຈັງຫວະການຂຶ້ນລາຄາວັດສະດຸການຜະລິດໃນເດືອນພະຈິກໄດ້ຊ້າລົງ,ແຕ່ຄາດວ່າລາຄາຜະລິດຕະພັນຈະຮັກສາຢູ່ໃນລະດັບທີ່ໝັ້ນທ່ຽງໃນປີນີ້; ກົດໝາຍວ່າດ້ວຍພາສີອາກອນສະບັບໃໝ່ກໍຄືອັດຕາການແລກປ່ຽນສະກຸນເງິນເປໂຊກັບໂດລາສະຫະລັດສາມາດສ້າງຄວາມໝັ້ນໃຈໃຫ້ແກ່ວິສາຫະກິດໄດ້.
ຄຳເຫັນ
0