ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ທັນວານີ້, ໃນກອງປະຊຸມໂຣມຂອງເວທີປຶກສາຫາລືອາຊີໂປອາວ, ອະດີດເຈົ້າໜ້າທີ່ລັດຖະບານທີ່ສຳຄັນ ແລະບຸກຄົນໃນວົງການທຸລະກິດອາຊີ ແລະສະຫະພາບເອີຣົບຫຼາຍທ່ານໄດ້ຮ່ວມກັນສົນທະນາກ່ຽວກັບການຊຸກຍູ້ໂລກາພິວັດພາຍໃຕ້ສິ່ງທ້າທາຍຈາກ “ການຕ້ານໂລກາພິວັດ” ໃນປັດຈຸບັນ, ແລະໄດ້ປະກອບຄຳເຫັນຕໍ່ການເພີ່ມທະວີການຮ່ວມມືອາຊີ-ເອີຣົບ.
ທ່ານໂຈ່ວສຽວສ່ວນ ຮອງເລຂາທິການເວທີປຶກສາຫາລືອາຊີໂປອາວ, ຮອງປະທານສະພາປຶກສາການເມືອງປະຊາຊົນແຫ່ງຊາດຈີນຊຸດທີ 12 ໄດ້ກ່າວປາໄສໃນພິທີເປີດວ່າ: ໃນເງື່ອນໄຂໂລກາພິວັດ, ບໍ່ມີປະເທດໃດສາມາດບັນລຸການພັດທະນາດ້ວຍຕົນເອງໂດຍປາສະຈາກໂລກ, ຄວນພະຍາຍາມປັບປຸງການພົວພັນອາຊີ-ເອີຣົບ, ແກ້ໄຂ ຫຼື ໂຈະຂໍ້ຂັດແຍ້ງໄວ້ກ່ອນ, ຂະນະດຽວກັນກໍຄວນຊອກຫາຈຸດຮ່ວມເພື່ອບັນລຸການຮ່ວມມືໃຫ້ຕ່າງຝ່າຍຕ່າງມີຜົນປະໂຫຍດ.
ທ່ານໂຣມາໂນ ໂປຣດີ ອະດີດປະທານຄະນະກຳມາທິການສະຫະພາບເອີຣົບໄດ້ເຂົ້າຮ່ວມກອງປະຊຸມດັ່ງກ່າວ ແລະກ່າວວ່າ: ໂລກາພິວັດເປັນຂະບວນການທີ່ບໍ່ອາດປິ້ນຄືນໄດ້. ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ທີ່ຈີນສະເໜີອອກນັ້ນ, ບໍ່ຄວນເປັນແຕ່ຂອງຈີນເທົ່ານັ້ນ. ຢູ່ຕໍ່ໜ້າກາລະໂອກາດໃໝ່, ຈີນ-ເອີຣົບ ແລະຈີນ-ອີຕາລີຄວນຮ່ວມກັນເພີ່ມທະວີການຮ່ວມມືພາຍໃຕ້ຂອບ “ໜຶ່ງແລວໜຶ່ງເສັ້ນທາງ”.
ຄຳເຫັນ
0