ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນມາເລເຊຍລາຍງານວ່າ: ວັນທີ 4 ທັນວານີ້, ລັດຖະບານສິງກະໂປໄດ້ກ່າວປະທ້ວງເຮືອຂອງອົງການປະຕິບັດກົດໝາຍທາງທະເລຂອງມາເລເຊຍໄດ້ລ່ວງລະເມີດເຂົ້າເຂດທະເລສິງກະໂປຫຼາຍເທື່ອພາຍໃນ 2 ອາທິດຜ່ານມາ,ແລະໄດ້ປະທ້ວງຕໍ່ເລື່ອງນີ້.
ທ່ານ ມາຮາເທຍ ບິນ ໂມຮາມັດ ນາຍົກລັດຖະມົນຕີມາເລເຊຍກ່າວໃນຂະນະທີ່ໃຫ້ສຳພາດຕໍ່ນັກຂ່າວໃນວັນທີ 5 ທັນວານີ້ວ່າ: ລັດຖະບານມາເລເຊຍຈະດຳເນີນການສືບສວນກ່ຽວກັບເລື່ອງນີ້,ເພື່ອຢືນຢັນວ່າເຮືອຂອງປະເທດຕົນໄດ້ລ່ວງລ້ຳນ່ານນ້ຳທະເລຂອງສິງກະໂປດແທ້ຫຼືບໍ່. ແຕ່ວ່າ: ທ່ານ ມາຮາເທຍ ບິນ ໂມຮາມັດ ຍັງໄດ້ກ່າວໃນຂະນະທີ່ໃຫ້ສຳພາດຕໍ່ນັກຂ່າວວ່າ: ທ່ານເຫັນວ່າເຮືອຂອງປະເທດຕົນບໍ່ໄດ້ລ່ວງຂ້າມຊາຍແດນ, “ເຮືອຂອງຕົນຍັງຢູ່ເຂດທະເລຂອງມາເລເຊຍ”.
ເຖິງວ່າໃນຫຼາຍມື້ຜ່ານມາ ສອງປະເທດໄດ້ກ່າວປະທ້ວງເຊິ່ງກັນແລະກັນທີ່ລ່ວງລ້ຳອະທິປະໄຕເໜືອນ່ານຟ້າແລະນ່ານນ້ຳທະເລກໍ່ຕາມ,ແຕ່ທ່ານ ອັນໂຕນີ ລອກຊີວ ຟຸກ ລັດຖະມົນຕີກະຊວງຄົມມະນາຄົມມາເລເຊຍກ່າວວ່າ: ມາເລເຊຍບໍ່ມີເຈດຕະນາເປັນປໍລະປັກກັບສິງກະໂປ; ທ່ານ ກໍບຸນວັນ ລັດຖະມົນຕີກະຊວງການວາງແຜນເອກະພາບການກໍ່ສ້າງພື້ນຖານໂຄງລ່າງທັງເປັນລັດຖະມົນຕີກະຊວງຄົມມະນາຄົມສິງກະໂປກໍ່ກ່າວວ່າ,ທ່ານຫວັງໃຫ້ຄວາມຂັດແຍ້ງທີ່ກ່ຽວຂ້ອງຈະບໍ່ສົ່ງຜົນກະທົບຕໍ່ສາຍພົວພັນລະຫວ່າງສິງກະໂປ-ມາເລເຊຍ.
ຄຳເຫັນ
0