ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ທັນວານີ້, ທ່ານນາງຄຣີສຕິນ ລາກາດ ຜູ້ອຳນວຍການອົງການກອງທຶນເງິນຕາສາກົນ (IMF) ກ່າວວ່າ: ປັດຈຸບັນນີ້, ສະຖານະການຂອງໂລກໄດ້ຜົນແປໄປຢ່າງສັບສົນ, ບັນດາປະເທດຄວນມີແນວຄວາມຄິດໃໝ່ກ່ຽວກັບການຮ່ວມມືສາກົນໃນສະຕະວັດທີ 21, ສ້າງ “ລັດທິຫຼາຍຝ່າຍຄືນໃໝ່” ຮ່ວມກັນ.
ທ່ານນາງລາກາດກ່າວວ່າ: ປັດຈຸບັນນີ້, ສະຖານະການໂລກໄດ້ປ່ຽນແປງຫຼາຍ, ຕົວຢ່າງ: ກຳລັງດ້ານເສດຖະກິດຫັນປ່ຽນຈາກຝ່າຍຕາເວັນຕົກສູ່ຝ່າຍຕາເວັນອອກ ແລະອື່ນໆ. ທ່ານຮຽກຮ້ອງໃຫ້ບັນດາປະເທດພິຈາລະນາຄືນໃໝ່ກ່ຽວກັບການຮ່ວມກັນສ້າງຄວາມຈະເລີນຮຸ່ງເຮືອງ, ສັນຕິພາບ ແລະ “ການສ້າງລັດທິຫຼາຍຝ່າຍຄືນໃໝ່”. ທ່ານເຫັນວ່າ: ແຜນງານຂອງບັນດາປະເທດຄວນຖືປະຊາຊົນເປັນໃຈກາງ, ເອົາໃຈໃສ່ປັບປຸງຜົນປະໂຫຍດຂອງປະຊາຊົນ, ຂະນະດຽວກັນກໍຄວນເພີ່ມທະວີຄວາມໂປ່ງໃສ ແລະຄວາມຮັບຜິດຊອບຂອງລັດຖະບານ ແລະອົງການຕ່າງໆ, ເພື່ອຮັບປະກັນໃຫ້ໂລກາພິວັດສົ່ງຜົນດີຕໍ່ປະຊາຊົນໝົດທຸກຄົນ.
ທ່ານນາງລາກາດໄດ້ຮຽກຮ້ອງໃຫ້ບັນດາປະເທດປັບປຸງ ແລະສ້າງການຮ່ວມມືສາກົນຄືນໃໝ່, ພະຍາຍາມຮ່ວມກັນສ້າງ “ຍຸກແຫ່ງການປະດິດສ້າງໃໝ່” ເຊິ່ງເປັນຍຸກສະໄໝທີ່ຂັບເຄື່ອນໂດຍການປະດິດສ້າງໃໝ່ ແລະການຮ່ວມມື.
ຄຳເຫັນ
0