ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ກະຊວງການຄ້າຈີນຈັດຂຶ້ນຕາມປົກກະຕິໃນວັນທີ 13 ທັນວານີ້, ທ່ານກ່າວເຟີ່ງ ໂຄສົກກະຊວງການຄ້າຈີນເປີດເຜີຍວ່າ:ທີມງານຈີນແລະອາເມຣິກາໄດ້ ແລກປ່ຽນຄວາມເຫັນຢ່າງໃກ້ຊິດໃນການປຶກສາຫາລືລາຍລະອຽດກ່ຽວກັບບັນຫາເສດຖະກິດການຄ້າລະຫວ່າງສອງປະເທດແລະໄດ້ຮັບຄວາມຄືບໜ້າທີີ່ດີ. ຈີນຍິນດີຕ້ອນຮັບ ຄະນະຜູ້ແທນອາເມຣິກາທີ່ຈະມາປຶກສາຫາລືກັບຈີນ ແລະກໍມີທ່າທີຍິນດີສົ່ງຄະນະຜູ້ແທນຂອງຕົນເດີນທາງໄປອາເມຣິກາເພື່ອປຶກສາຫາລືບັນຫາເສດຖະກິດການຄ້າເຊັ່ນກັນ.
ວັນທີ 11 ທັນວານີ້, ທ່ານລິວເຮີ້ ຮອງນາຍົກລັດຖະມົນຕີຈີນ, ຜູ້ຊີ້ນຳການປຶກສາຫາລືເສດຖະກິດການຄ້າຈີນ-ອາເມຣິກາໄດ້ສົນທະນາທາງໂທລະສັບກັບຝ່າຍອາເມຣິກາໂດຍສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບການຈັດຕັ້ງປະຕິບັດຄວາມເຫັນເປັນເອກະພາບກັນທີ່ບັນລຸໄດ້ໃນການພົບປະກັນລະຫວ່າງປະມຸກລັດສອງປະເທດ, ຕາຕະລາງເວລາແລະແຜນການດຳເນີນວຽກງານປຶກສາຫາລືເສດຖະກິດການຄ້າລະຫວ່າງສອງຝ່າຍໃນບາດກ້າວຕໍ່ໄປ.
ທ່ານກ່າວເຟີ່ງຍັງກ່າວຕື່ມວ່າ: ສອງຝ່າຍໄດ້ບັນລຸຄວາມເປັນເອກະພາບກັນກ່ຽວກັບບັນຫາການຄ້າດ້ານຜະລິດຕະພັນກະສິກຳ,ພະລັງງານ, ລົດຍົນແລະອື່ນໆ, ໃນນີ້ ຖົ່ວເຫຼືອງເປັນປະເພດຜະລິດຕະພັນກະສິກຳທີ່ສຳຄັນທີ່ຈີນນຳເຂົ້າຈາກອາເມຣິກາ ເພາະຕະຫຼາດພາຍໃນປະເທດຈີນມີຄວາມຕ້ອງການຢ່າງຫຼວງຫຼາຍ. ສຳລັບລາຍລະອຽດຈະເປີດເຜີຍຕາມທີ່ຫຼັງ.
ຄຳເຫັນ
0