ບຸນ​ກຸດ​ຈີນ ເຊິ່ງ​ເປັນ​ບຸນ​ປີ​ໃໝ່​ຕາມ​ປະ​ເພ​ນີ​ຂອງ​ຈີນ​ໃກ້​ຈະ​ໝູນ​ວຽນ​ມາ​ເຖິງ, ເມືອງ​ຈື​ກຸ່ຍ ແຂວງ​ຮູ​ເປີຍ ໄດ້​ຈັດ​ກິດ​ຈະ​ກຳ​ມອບຄວາມ​ຮັກ​ແພງ​ເອົາ​ໃຈ​ໃສ່​ໃຫ້​ຜູ້​ເຖົ້າ,ແມ່​ຍິງ​ແລະ​ເດັກ​ນ້ອຍ​ ເຊິ່ງ​ເປັນ​ຜູ້​ເຝົ້າ​ເຮືອນ​ຂອງ​ຄອບ​ຄົວ​ກຳ​ມະ​ກອນ​ເຄື່ອນ​ຍ້າຍ​ຢ່າງ​ເປັນ​ຂະ​ບວນ​ຟົດ​ຟື້ນ. ວັນ​ທີ 16 ມັງ​ກອນ​ນີ້, ຢູ່​ບ້ານ​ເມີຍ​ເຈ່ຍ​ເຮີ ເມືອງ​ຈື​ກຸ່ຍ, ​ພະ​ນັກ​ງານຫຼຸດ​ຜ່ອນ​ຄວາມ​ທຸກ​ຍາກ​ຂອງໜ່ວຍ​ງານ​ຕ່າງໆ​ເຊັ່ນ​​ຂະ​ແໜງວຽກ​ງານ​ປະ​ຊາ​ສົງ​ເຄາະ​ຂອງ​ເມືອງ​ດັ່ງ​ກ່າວ​ໄດ້​ຮ່ວມ​ກັບ​ຄອບ​ຄົວ​ກຳ​ມະ​ກອນ​ເຄື່ອນ​ຍ້າຍຈຳ​ນວນ 300 ກວ່າ​ຄົນ​ຮ່ວມ​ກັນ​ຮັບ​ປະ​ທານ​ເຂົ້າ​ໜົມ​ກ້ຽວ​ເພື່ອ​ຕ້ອນ​ຮັບ​ປີ​ໃໝ່​ກຸດ​ຈີນ​ດ້ວຍ​ຄວາມ​ເບີກ​ບານ​ມ່ວນ​ຊື່ນ.