ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ກອງປະຊຸມບໍ່ເປັນທາງການລະດັບລັດຖະມົນຕີການຕ່າງປະເທດອາຊຽນປີ 2019 ໄດ້ໄຂຂຶ້ນຢູ່ນະຄອນຊຽງໄໝ່ຂອງປະເທດໄທແຕ່ວັນທີ 17-18 ມັງກອນນີ້ ໂດຍປະເທດໄທເປັນປະເທດປະທານໝູນວຽນຂອງກອງປະຊຸມຕ່າງໆຂອງອາຊຽນໃນປີນີ້ ເຊິ່ງມີຫົວຂໍ້ຫຼັກຄື: ຊຸກຍູ້ການພົວພັນຄູ່ຮ່ວມເພື່ອການພັດທະນາແບບຍືນຍົງ.
ໃນກອງປະຊຸມຂ່າວຫຼັງກອງປະຊຸມດັ່ງກ່າວ, ທ່ານດອນ ປະຣະມັດວິໄນ ລັດຖະມົນຕີກະຊວງການຕ່າງປະເທດໄທກ່າວວ່າ, ລັດຖະມົນຕີການຕ່າງປະເທດຂອງປະເທດຕ່າງໆໃຫ້ຄວາມສຳຄັນຕໍ່ການເຊື່ອມຈອດກັນໃນພາກພື້ນ, ແລະຊຸກຍູ້ການຈັດຕັ້ງປະຕິບັດຕາມເປົ້າໝາຍຸດທະສາດຕ່າງໆເຊັ່ນ: ແຜນສ້າງອາຊຽນເຊື່ອມຈອດກັນ 2025 ແລະອື່ນໆ, ທັງຈະເພີ່ມທະວີການຮ່ວມມືກັບຄູ່ສົນທະນາ, ຄູ່ພາຍນອກແລະອົງການຈັດຕັ້ງສາກົນ ເພື່ອຈັດຕັ້ງປະຕິບັດໂຄງການພື້ນຖານໂຄງລ່າງທີ່ກ່ຽວຂ້ອງ.
ທ່ານດອນຍັງກ່າວວ່າ, ລັດຖະມົນຕີການຕ່າງປະເທດຂອງບັນດາປະເທດອາຊຽນຍັງຢ້ຳອີກວ່າຈະທຳຄວາມພະຍາຍາມເພື່ອປົກປັກຮັກສາໃຫ້ທະເລຈີນໃຕ້ກາຍເປັນທະເລແຫ່ງສັນຕິພາບ, ທະເລແຫ່ງຄວາມໝັ້ນຄົງ ແລະທະເລແຫ່ງຄວາມຈະເລີນຮຸ່ງເຮືອງ, ແລະສຸມໃສ່ການຈັດຕັ້ງປະຕິບັດຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້ຢ່າງຮອບດ້ານ ຄົບຖ້ວນແລະບັງເກດີຜົນ, ແລະຈະສຳເລັດການພິຈາລະນາກ່ຽວກັບຫຼັກມາດຖານການເຄື່ອນໄຫວຢູ່ທະເລຈີນໃຕ້ສະບັບຮ່າງພາຍໃນປີນີ້.ນອກນີ້ ບັນດາລັດຖະມົນຕີການຕ່າງປະເທດຍັງເນັ້ນວ່າຈະຊຸກຍູ້ການເຈລະຈາສັນຍາການພົວພັນຄູ່ຮ່ວມເສດຖະກິດຮອບດ້ານຂອງພາກພື້ນຈາກດ້ານການເມືອງ, ຈະສຸມໃສ່ການບັນລຸສັນຍາທີ່ທັນສະໄໝ, ຮອບດ້ານ, ມີຄຸນນະພາບດີແລະຕ່າງຝ່າຍຕ່າງມີຜົນປະໂຫຍດພາຍໃນເວລາປີນີ້, ພ້ອມຍັງໄດ້ກ່າວເນັ້ນວ່າຕ້ອງປົກປັກຮັກສາສະພາບແວດລ້ອມການຄ້າທົ່ວໂລກທີ່ເປີດກວ້າງ, ຕ່າງຝ່າຍຕ່າງມີຜົນປະໂຫຍດແລະກວມລວມໂດຍຜ່ານຈາກສັນຍາດັ່ງກ່າວ.
ຄຳເຫັນ
0