ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ມັງກອນນີ້, ເວທີປຶກສາຫາລືເສດຖະກິດໂລກໄດ້ເປີດເປີຍຜົນການສຳຫຼວດຄວາມຄິດເຫັນສະບັບຫຼ້າສຸດໄດ້ຊີ້ໃຫ້ເຫັນວ່າ: ປະຊາຊົນສ່ວນໃຫຍ່ໃນໂລກເຫັນດີນຳລະບົບຫຼາຍຝ່າຍແລະຫວັງໃຫ້ເພີ່ມທະວີການຮ່ວມມືສາກົນ ຂະນະດຽວກັນກໍຄັດຄ້ານການກະທຳແບບທຳລາຍຜົນປະໂຫຍດປະເທດອື່ນເພື່ອຜົນປະໂຫຍດປະເທດຕົນ.
ຜົນການສຳຫຼວດດັ່ງກ່າວໄດ້ຍື່ນແບບສອບຖາມຈຳນວນ 10.000 ກວ່າຄົນໃນແຫ່ງຕ່າງໆຂອງໂລກໂດຍຜູ້ຕອບແບບສອບຖາມ 76% ເຫັນວ່າ ການຮ່ວມມືຢ່າງແຂງແຮງລະຫວ່າງຊາດເພື່ອບັນລຸເປົ້າໝາຍຮ່ວມແມ່ນມີຄວາມສຳຄັນຫຼາຍຫຼືສຳຄັນທີ່ສຸດ. ໃນນີ້, ຢູ່ອາຊີໃຕ້ແລະເຂດອາຟຣິກາພາກໃຕ້ຊາຮາລາມີຜູ້ຕອບແບບສອບຖາມຕາມທັດສະນະດັ່ງກ່າວໃນອັດຕາສູງສຸດຄືບັນລຸເຖິງ 88%, ສ່ວນ ຜູ້ຕອບແບບສອບຖາມຕາມທັດສະນະດັ່ງກ່າວຢູ່ເອີຣົບຕາເວັນຕົກກວມ 61% ແລະເຂດອາເມຣິກາເໜືອກວມ 70%.
ຜົນການສຳຫຼວດຍັງສະແດງໃຫ້ເຫັນວ່າ: ປະຊາຊົນສ່ວນໃຫຍ່ໃນໂລກມີທ່າທີຢ່າງຈະແຈ້ງຕໍ່ກັບບັນຫາຊາວອົບພະຍົບ. ຜູ້ຕອບແບບສອບຖາມ 57% ເຫັນວ່າ ຊາວອົບພະຍົບເປັນປະໂຫຍດຕໍ່ປະເທດທີ່ເຂົາເຈົ້າຍົກຍ້າຍໄປນັ້ນໂດຍລວມ. ແຕ່ວ່າ ຜົນການສຳຫຼວດກ່ຽວກັບບັນຫານີ້ຍັງສະແດງໃຫ້ເຫັນຄວາມບໍ່ກ້ຳເກິ່ງກັນລະຫວ່າງເຂດແຄວ້ນ ຄື ຢູ່ເຂດອາເມຣິກາເໜືອມີຜູ້ຕອບແບບສອບຖາມ 66% ຍອມຮັບຊາວອົບພະຍົມ ແຕ່ວ່າຢູ່ເອີຣົບຕາເວັນຕົກ ມີພຽງ 46% ເທົ່ານັ້ນ.
ຄຳເຫັນ
0