ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແຫຼ່ງຂ່າວຈາກວິທະຍາຄານຕຳຫຼວດຢຸນນານໃຫ້ຮູ້ໃນວັນທີ 21 ມັງກອນນີ້ວ່າ: ໂດຍຕອບສະໜອງຕາມຄຳສະເໜີຂອງອົງການປາບປາມຢາເສບຕິດຟິລິບປິນ, ຄະນະຜູ້ແທນວິທະຍາຄານຕຳຫຼວດຢຸນນານຈີນໄດ້ດຳເນີນການຝຶກອົບຮົມຄວາມສາມາດຕ້ານຢາເສບຕິດໃຫ້ເຈົ້າໜ້າທີ່ຟິລິບປິນນະຄອນຫຼວງມານິລາໃນເມື່ອບໍ່ດົນມານີ້.
ສາສະດາຈານ 4 ຄົນຂອງວິທະຍາຄານຕຳຫຼວດຢຸນນານໄດ້ໃຫ້ຄວາມຮູ້ໃນ 8 ຫົວຂໍ້ ຄື: ການສ້າງກົດໝາຍຕ້ານຢາເສບຕິດ, ການປ້ອງກັນຢາເສບຕິດ, ການສືບສວນຄະດີຢາເສບຕິດ, ການຄຸ້ມຄອງສານເຄມີທີ່ໃຊ້ໃນການຜະລິດຢາເສບຕິດ, ການໃຊ້ຢາເສບຕິດແບບໃໝ່ເກີນຂະໜາດ ແລະອື່ນໆ ແລະມີເຈົ້າໜ້າທີ່ອົງການປາບປາມຢາເສບຕິດຟິລິບປິນ 19 ຄົນເຂົ້າຮ່ວມ.
ທ່ານຫຼິວກົ່ງຫົວ ຫົວໜ້າວິທະຍາຄານຕຳຫຼວດຢຸນນານກ່າວວ່າ: ວິທະຍາຄານຕຳຫຼວດຢຸນນານໄດ້ກຳນົດຫຼັກສູດການຕ້ານຢາເສບຕິດກ່ອນໝູ່ໃນຈີນ, ໂດຍຜ່ານການພັດທະນາມາເປັນເວລາ 20 ປີ, ໄດ້ຝຶກອົບຮົມບຸກຄະລາກອນຕ້ານຢາເສບຕິດຢ່າງຫຼວງຫຼາຍ ແລະໄດ້ປະກອບສ່ວນຢ່າງຕັ້ງໜ້າເຂົ້າໃນພາລະກິດຕ້ານຢາເສບຕິດພາຍໃນ ແລະຕ່າງປະເທດ.
ນັບແຕ່ປີ 2015 ເປັນຕົ້ນມາ, ລວມມີເຈົ້າໜ້າທີ່ຫຼາຍກວ່າ 100 ຄົນທີ່ມາຈາກສຳນັກງານຕຳຫຼວດແຫ່ງຊາດ ແລະອົງການປະຕິບັດກົດໝາຍທີ່ກ່ຽວຂ້ອງຂອງຟິລິບປິນເຂົ້າຮ່ວມການຝຶກອົບຮົມໃນໄລຍະສັ້ນຢູ່ວິທະຍາຄານຕຳຫຼວດຢຸນນານ.
ຄຳເຫັນ
0