ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນກາຕາລາຍງານວ່າ: ວັນທີ 21 ມັງກອນນີ້, ຜູ້ຕາງໜ້າຂອງລັດຖະບານອາເມຣິກາແລະກຸ່ມຕາລີບັນອັຟການີສະຖານ ໄດ້ເລີ່ມເຈລະຈາກັນຢູ່ນະຄອນຫຼວງໂດຮາປະເທດກາຕາ.
ມື້ດຽວກັນ, ທ່ານ ຈາບີຮູລາ ມູຈາຮິດ ໂຄສົກກຸ່ມຕາລີບັນອັຟການີສະຖານ ໄດ້ພິມບົດຄວາມລົງໃນສື່ສັງຄົມອອນລາຍ ໂດຍຢືນຢັນວ່າ: ພາຍຫຼັງອາເມຣິກາຮັບເອົາຂໍ້ສະເໜີຂອງຝ່າຍຕາລີບັນກ່ຽວກັບການສິ້ນສຸດການຍຶດຄອງອັຟການີສະຖານແລະຢຸດຕິການນຳໃຊ້ອັຟການີສະຖານເພື່ອຕໍ່ຕ້ານປະເທດອື່ນແລ້ວ, ການເຈລະຈາລະຫວ່າງຜູ້ຕາງໜ້າຕາລີບັນແລະອາເມຣິກາ ໄດເລີ່ມຈັດຂຶ້ນຢູ່ໂດຮາໃນວັນທີ 21 ມັງກອນນີ້.
ທ່ານ ມູຈາຮິດ ກ່າວຕື່ມວ່າ: ການເຈລະຈາດັ່ງກ່າວຈະສືບຕໍ່ໄປຈົນຮອດວັນທີ 22 ມັງກອນນີ້, ແຕ່ທ່ານບໍ່ໄດ້ເປີດເຜີຍຊື່ແລະນາມສະກຸນ, ຕຳແໜ່ງ ແລະຂໍ້ມູນອື່ນໆຂອງເຈົ້າໜ້າທີ່ທີ່ເຂົ້າຮ່ວມການເຈລະຈາຄັ້ງນີ້.
ຄຳເຫັນ
0