ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມັງກອນນີ້, ພະແນກວຽກງານຊາວຍົກຍ້າຍຖິ່ນຖານຂອງໄຕ້ຫວັນລາຍງານວ່າ: ຄະດີຄະນະທ່ອງທ່ຽວຫວຽດນາມໂຕນໜີຮວມໝູ່ທີ່ເກີດຂຶ້ນໃນເດືອນທັນວາປີຜ່ານມາ ໄດ້ຮັບການແກ້ໄຂແລ້ວໃນມື້ດຽວກັນ, ຜູ້ວາງແຜນ 3 ຄົນຄື: ຜູ້ຊາຍນາມສະກຸນຫງວຽນ ສັນຊາດຫວຽດນາມເປັນຕົ້ນຖືກຈັບຕົວ ແລະຖືກສົ່ງໃຫ້ອົງການໄອຍະການທ້ອງຖິ່ນເມືອງກ່າວຊົງຕາມກົດໝາຍ.
ຂ່າວສານສູນກາງລາຍງານວ່າ: ນັບແຕ່ວັນທີ 21-23 ທັນວາປີຜ່ານມາ, ຄະນະທ່ອງທ່ຽວຂະໜາດໃຫຍ່ຂອງຫວຽດນາມ 4 ຄະນະ ມີທັງໝົດ 153 ຄົນ ໄດ້ເຂົ້າແດນໄຕ້ຫວັນຈາກເມືອງກ່າວຊົງ. ຫຼັງຈາກນັ້ນ, 152 ຄົນໄດ້ໂຕນໜີແລະຫາຍສາບສູນໄປ, ໃນນັ້ນ 3 ຄົນໜີອອກແດນໂດຍຕົນເອງ, 148 ຄົນທີ່ເຫຼືອນັ້ນບໍ່ສາມາດຕິດຕໍ່ພົວພັນໄດ້, ກາຍເປັນຄະດີໂຕນໜີຂອງຄະນະທ່ອງທ່ຽວຫວຽດນາມທີ່ມີຂະໜາດໃຫຍ່ທີ່ສຸດໃນປະຫວັດສາດຂອງໄຕ້ຫວັນ.
ຫຼັງຈາກເກີດເຫດແລ້ວ, ຜູ້ໂຕນໜີບາງຄົນໄດ້ທະຍອຍກັນເຂົ້າມອບຕົວ. ພະແນກວຽກງານຊາວຍົກຍ້າຍຖິ່ນຖານຂອງໄຕ້ຫວັນກ່າວວ່າ, ມາຮອດວັນທີ 20 ມັງກອນນີ້, ໄດ້ມີ 87 ຄົນຖືກຈັບຕົວ, ໃນນັ້ນ 39 ຄົນຖືກກວດຄົ້ນເຫັນ, 48 ຄົນເຂົ້າມອບຕົວໂດຍຕົນເອງ, ມີ 61 ຄົນຍັງໂຕນໜີຢູ່.
ຄຳເຫັນ
0