ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ເຈົ້າໜ້າທີ່ພະແນກວຽກງານກົດໝາຍຂອງກະຊວງການຕ່າງປະເທດແລະການຮ່ວມມືສາກົນກຳປູເຈຍກ່າວວ່າ, ພະແນກຕົນໄດ້ຄົ້ນພົບຢ່າງໜ້ອຍ 17 ເວັບໄຊທີ່ປອມຕົວເປັນເວັບໄຊທາງການເພື່ອໃຫ້ບໍລິການ ອອກວິຊາເອເລັກໂຕຼນິກທາງອິນເຕີເນັດແກ່ນັກທ່ອງທ່ຽວ, ສະນັ້ນຈຶ່ງເຕືອນໃຫ້ຄົນຕ່າງປະເທດລະວັງຕໍ່ການຫຼອກຫຼວງຂອງເວັບໄຊປອມ.
ຕອນຄ່ຳວັນທີ 5 ກຸມພານີ້, ກະຊວງການຕ່າງປະເທດກຳປູເຈຍໄດ້ອອກແຈ້ງການວ່າ, ກຳປູເຈຍມີພຽງແຕ່ເວັບໄຊທາງການທີ່ອອກວິຊາເອເລັກໂຕຼນິກທີ່ຊອບດ້ວຍກົດໝາຍແຫ່ງດຽວ ກໍຄື: www.evisa.gov.kh. ວິຊາເອເລັກໂຕຼນິກຕ້ອງໄດ້ຮັບການອະນຸມັດຈາກກະຊວງການຕ່າງປະເທດກຳປູເຈຍ, ກະຊວງພາຍໃນກຳປູເຈຍແລະສະຖານທູດກຳປູເຈຍຢູ່ຕ່າງປະເທດ. ພະແນກວຽກງານກົດໝາຍໄດ້ຕັ້ງໜ່ວຍງານການຄຸ້ມຄອງການອອກວິຊາເອເລັກໂຕຼນິກທີ່ປະກອບດ້ວຍພະນັກງານຂອງພະແນກຕ່າງໆເພື່ອດຳເນີນການສືບສວນ, ພ້ອມກັນນັ້ນ, ຖ້ານັກທ່ອງທ່ຽວໄດ້ພົບສື່ກາງທີ່ຍົກຂຶ້ນຄ່າວິຊາເອເລັກໂຕຼນິກ, ກໍສາມາດລາຍງານຕໍ່ສະຖານທູດຂອງກຳປູເຈຍປະຈຳປະເທດຕົນ.
ກະຊວງການຕ່າງປະເທດກຳປູເຈຍກ່າວຕື່ມວ່າ, ບໍ່ເຄີຍມອບສິດໃຫ້ເວັບໄຊປອມທີ່ໃຫ້ບໍລິການດ້ານການອອກວິຊາເອເລັກໂຕຼນິກລະຫວ່າງລັດຖະບານແລະສື່ກາງ, ຮຽກຮ້ອງໃຫ້ນັກທ່ອງທ່ຽວຕ່າງປະເທດລະວັງຕໍ່ການຫຼອກຫຼວງຂອງເວັບໄຊປອມ, ລັດຖະບານກຳລັງນຳໃຊ້ມາດຕະການສືບສວນແກ້ໄຂ.
ຄຳເຫັນ
0