ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ກຸມພາ ແມ່ນວັນສ້າງຕັ້ງກອງທັບປະຊາຊົນເກົາຫຼີ. ວັນທີ 9 ກຸມພາຜ່ານມາ ຂ່າວສານສູນກາງເກົາຫຼີລາຍງານວ່າ, ທ່ານກິມເຈີງອຸນ ຜູ້ນຳສູງສຸດສປປເກົາຫຼີໄດ້ກ່າວຄຳປາໄສໃນກະຊວງກຳລັງອາວຸດປະຊາຊົນສປປເກົາຫຼີໃນວັນທີ 8 ກຸມພານີ້, ໂດຍໄດ້ຊົມເຊີຍການສ້າງຕັ້ງກອງທັບປະຊາຊົນເກົາຫຼີຄົບຮອບ 71 ປີ, ແລະສະເໜີຄວາມຮຽກຮ້ອງຕໍ່ການເພີ່ມທະວີການສ້າງສາກອງທັບ.
ທ່ານກິມເຈີງອຸນໄດ້ກ່າວປາໄສຕໍ່ຜູ້ນຳກອງທັບປະຊາຊົນຢູ່ກະຊວງກຳລັງອາວຸດປະຊາຊົນໂດຍເນັ້ນວ່າ, ທົ່ວກອງທັບຕ້ອງສ້າງລະບົບນຳພາພຽງດຽວຂອງພັກແຮງງານຕໍ່ກອງທັບຢ່າງຕິດແທດຕົວຈິງຕື່ມອີກ, ສາມັກຄີເຂົ້າກັນຢ່າງສະໜິດແໜ້ນຢູ່ອ້ອມຂ້າງສູນກາງພັກ, ແລະສະເໜີວ່າຕ້ອງເອົາໃຈໃສ່ວຽກງານການສຶກສາແນວຄິດແລະການເຝິກແອບຂອງກອງທັບ, ຊຸກຍູ້ການສ້າງກຳລັງປະກອບອາວຸດໃຫ້ເຂັ້ມແຂງກວ່າເກົ່າຢ່າງບໍ່ຢຸດຢັ້ງ, ແລະຊີ້ໃຫ້ເຫັນວ່າກອງທັບປະຊາຊົນຄວນປະຕິບັດພາລະກຳສອງຢ່າງຂອງຕົນໃຫ້ດີຄື:ປ້ອງກັນປະເທດຊາດແລະສ້າງສາສັງຄົມນິຍົມ, ປະກອບສ່ວນເຂົ້າໃນການພັດທະນາເສດຖະກິດແຫ່ງຊາດ.
ຄຳເຫັນ
0