ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກົມຄຸ້ມຄອງການຄົມມະນາຄົມ ກະຊວງປ້ອງກັນຄວາມສະຫງົບຈີນ ປະກາດໃນວັນທີ 10 ກຸມພານີ້ວ່າ ໃນວັນສຸດທ້າຍຂອງໄລຍະພັກບຸນກຸດຈີນ ຄື ວັນທີ 10 ກຸມພານີ້, ແຫ່ງຕ່າງໆທົ່ວປະເທດຈີນມີຜູ້ໂດຍສານເດີນທາງກັບຢ່າງໜາແໜ້ນທີ່ສຸດ, ການຄົມມະນາຄົມທາງດ່ວນມີລົດຕິດສົມຄວນ.
ມາຮອດເວລາ 18:00 ໂມງຂອງວັນທີ 10 ກຸມພານີ້, ສະພາບການຄົມມະນາຄົມທາງບົກໃນທົ່ວປະເທດມີຄວາມສະດວກສະບາຍໂດຍລວມ ຈຳນວນຄົນເສຍຊີວິດໃນອຸບັດເຫດທາງຖະໜົນໄດ້ຫຼຸດລົງ 53%, ອຸບັດເຫດທີ່ເຮັດໃຫ້ຄົນເສຍຊີວິດຕໍ່ຄັ້ງຫຼາຍກວ່າ 3 ຄົນນັ້ນໄດ້ຫຼຸດລົງ 6 ເທື່ອ ຫຼເທົ່າກັບື 38% ເມື່ອທຽບໃສ່ໄລຍະດຽວກັນຂອງປີຜ່ານມາ ແລະ ບໍ່ໄດ້ເກີດອຸບັດເຫດທີ່ເຮັດໃຫ້ມີຄົນເສຍຊີວິດຕໍ່ຄັ້ງຫຼາຍກວ່າ 10 ຄົນນັ້ນຈັກເທື່ອ ເຊິ່ງໄດ້ຫຼຸດລົງ 1 ເທື່ອ ເມື່ອທຽບໃສ່ໄລຍະດຽວກັນຂອງປີຜ່ານມາ.
ຂ່າວລາຍງານຕື່ມວ່າ ເພື່ອຮັບປະກັນຄວາມປອດໄພດ້ານການຄົມມະນາຄົມທາງບົກໃນໄລຍະບຸນກຸດຈີນ ກອງກຳລັງຕຳຫຼວດແລະຜູ້ຊ່ວຍວຽກຕຳຫຼວດຕ່າງກໍໄດ້ເສຍສະຫຼະວັນພັກການ ແລະ ຕັ້ງໜ້າປະຕິບັດໜ້າທີ່ຂອງຕົນ. ຕົວເລກສະຖິຕິໄດ້ສະແດງໃຫ້ເຫັນວ່າ ໃນໄລຍະບຸນກຸດຈີນ, ແຫ່ງຕ່າງໆທົ່ວປະເທດໄດ້ສົ່ງກຳລັງຕຳຫຼວດປະຕິບັດໜ້າທີ່ເຖິງ 170.000 ເທື່ອຄົນ, ລົດຕຳຫຼວດ 60.000 ກວ່າເທື່ອຄັນ; ມີປ້ອມຕຳຫຼວດປະຕິບັດໜ້າທີ່ 4.000 ກວ່າແຫ່ງ, ສ້າງຈຸດປະຕິບັດໜ້າທີ່ຊົ່ວຄາວ 20.000 ກວ່າຈຸດ, ໄດ້ປະຕິບັດລະບຽບຕໍ່ການກະທຳຕ່າງໆທີ່ລະເມີດລະບຽບຈະລາຈອນ 1.700.000 ກວ່າກໍລະນີ ເຊິ່ງສາມາດຮັບປະກັນຄວາມປອດໄພດ້ານການຄົມມະນາຄົມທາງບົກຢ່າງໜັກແໜ້ນ.
ຄຳເຫັນ
0