ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກຸມພານີ້, ມີກຳປັ່ນຮົບອາເມຣິກາ 2 ລຳແລ່ນເຂົ້າເຂດທະເລຈີນໃຕ້ຕາມລຳພັງໃຈ. ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ປະທ້ວງ ແລະຄັດຄ້ານຢ່າງຮຸນແຮງຕໍ່ເລື່ອງນີ້ໃນມື້ດຽວກັນ, ແລະກ່າວເຕືອນອາເມຣິກາຈັ່ງຢຸດຕິການກະທຳເກາະຜິດໃນລັກສະນະນີ້ທັນທີ. ທ່ານນາງກ່າວເນັ້ນວ່າ: ຈີນຈະສືບຕໍ່ນຳໃຊ້ມາດຕະການທີ່ຈຳເປັນ, ເດັດດ່ຽວປົກປັກຮັກສາອຳນາດອະທິປະໄຕ ແລະຄວາມໝັ້ນຄົງແຫ່ງຊາດ, ຮັກສາສັນຕິພາບ ແລະສະຖຽນລະພາບຂອງທະເລຈີນໃຕ້.
ໃນກອງປະຊຸມຖະແຫຼງຂ່າວຂອງກະຊວງການຕ່າງປະເທດຈີນທີ່ໄດ້ຈັດຂຶ້ນໃນວັນທີ 11 ກຸມພານີ້, ທ່ານນາງຮວ້າຊຸ່ນຢີງກ່າວວ່າ: ໃນມື້ດຽວກັນ, ກອງທັບເຮືອຈີນໄດ້ຕິດຕາມກວດກາກຳປັ່ນຮົບອາເມຣິກາ “USS Spruance” ແລະ “USS Preble” ທີ່ແລ່ນເຂົ້າທະເລຈີນໃຕ້ຕາມລຳພັງໃຈ ແລະໄດ້ກ່າວເຕືອນທັງຂັບໄລ່ອອກໄປ.
ທ່ານນາງກ່າວຕື່ມວ່າ: ສະຖານະການຂອງທະເລຈີນໃຕ້ໃນປັດຈຸບັນນີ້ແມ່ນມີສັນຕິພາບ ແລະມີສະຖຽນລະພາບ ແລະສືບຕໍ່ພັດທະນາເປັນຢ່າງດີ. ການກະທຳຂອງອາເມຣິກາຈະບໍ່ໄດ້ຮັບການສະໜັບສະໜູນຈາກປະຊາຄົມໂລກ. ຈີນກ່າວເຕືອນອາເມຣິກາຈັ່ງຢຸດຕິການກະທຳເກາະຜິດໃນລັກສະນະນີ້ທັນທີ ແລະຄວນເຄົາລົບຄວາມພະຍາຍາມຂອງບັນດາປະເທດໃນພາກພື້ນໃນການຮັກສາສັນຕິພາບ ແລະສະຖຽນລະພາບຂອງທະເລຈີນໃຕ້.
ຄຳເຫັນ
0