ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໄລຍະດຳເນີນກອງປະຊຸມສະພາປະຊາຊົນແຫ່ງຊາດຈີນແລະກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນເມື່ອປີ 2013, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນໄດ້ເຂົ້າຮ່ວມການປຶກສາຫາລືແລະຄົ້ນຄວ້າພິຈາລະນາບົດລາຍງານວຽກງານລັດຖະບານຂອງຄະນະຜູ້ແທນເຂດປົກຄອງຕົນເອງຕິເບດທີ່ເຂົ້າຮ່ວມກອງປະຊຸມໂດຍທ່ານໄດ້ໃຫ້ທິດຊີ້ນຳແກ່ ພະນັກງານແລະປະຊາຊົນບັນດາເຜົ່າຂອງເຂດຕິເບດໃຫ້ກຳແໜ້ນໂອກາດຄັ້ງປະຫວັດສາດ, ເຊີດຊູນ້ຳໃຈຊາວຕິເບດຢ່າງກວ້າງຂວາງ, ສູ້ຊົນຜ່ານຜ່າເພື່ອສ້າງຄວາມເຂັ້ມແຂງ,ໝູນໃຊ້ສະພາບທີ່ດີໃນປັດຈຸບັນ, ກ້າວເດີນໄປຕາມເສັ້ນທາງພັດທະນາທີ່ມີສີສັນພິເສດຂອງຈີນແລະມີເອກະລັກພິເສດຂອງຕິເບດຢ່າງເດັດດ່ຽວໜຽວແໜ້ນ. ໃນໄລຍະ 6 ປີຜ່ານມາ, ຕິເບດໄດ້ຜັນຂະຫຍາຍແລະຈັດຕັ້ງປະຕິບັດຕາມເນື້ອໃນຈິດໃຈຄຳປາໄສຂອງທ່ານເລຂາທິການໃຫຍ່ສີຈິ້ນຜິງແລະທິດທາງຍຸດທະສາດຂອງສູນກາງພັກໃນການຄຸ້ມຄອງຕິເບດ, ແກ້ໄຂຈຸດອ່ອນໃນການພັດທະນາເພື່ອບັນລຸເປົ້າໝາຍສ້າງສັງຄົມທີ່ອິ່ມໜຳສຳລານ, ສ້າງສາພັດທະນາຕິເບດໃຫ້ຈະເລີີ່ນຮຸ່ງເຮືອງ, ສ້າງຄວາມຮັ່ງມີໃຫ້ປະຊາຊົນແລະສ້າງຜົນປະໂຫຍດຕໍ່ການດຳລົງຊີວິດຂອງປະຊາຊົນ, ພະຍາຍາມສູ້ຊົນເພື່ອບັນລຸການພັດທະນາແບບກ້າວກະໂດດຂັ້ນ.
ຄຳເຫັນ
0