ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ມີນານີ້, ສະພາຕ່ຳອັງກິດໄດ້ລົງຄະແນນສຽງ ໂດຍໄດ້ຕົກລົງສະໜັບສະໜູນການເລື່ອນເວລາຖອນອອກຈາກອີຢູ, ແຕ່ການທີ່ອັງກິດຈະສາມາດເລື່ອນເວລາຖອນອອກຈາກອີຢູໄດ້ຫຼືບໍ່ ຍັງຂຶ້ນຢູ່ກັບທ່າທີຂອງປະເທດສະມາຊິກອີຢູອື່ນໆ.
ສະພາຕ່ຳອັງກິດໄດ້ຮັບຮອງເອົາຂໍ້ສະເໜີຂອງລັດຖະບານສະບັບໜຶ່ງ ໂດຍລະບຸວ່າ: ຖ້າສະພາຕ່ຳຜ່ານການຮັບຮອງສັນຍາການຖອນອອກຈາກອີຢູສະບັບໜຶ່ງກ່ອນວັນທີ 20 ມີນານີ້, ລັດຖະບານອັງກິດກໍຈະປຶກສາຫາລືກັບອີຢູ ເພື່ອຂໍເລື່ອນເວລາກຳນົດຂັ້ນສຸດທ້າຍໃນການຖອນອອກຈາກອີຢູຈາກວັນທີ 29 ມີນາໃຫ້ເລື່ອນອອກໄປຈົນເຖິງວັນທີ 30 ມິຖຸນາປີນີ້; ຖ້າບໍ່ດັ່ງນັ້ນ, ລັດຖະບານອັງກິດຈະປຶກສາຫາລືກັບອີຢູກ່ຽວກັບບັນຫາການຖອນອອກຈາກອີຢູ, ແຕ່ເວລາກຳນົດຂັ້ນສຸດທ້າຍຈະໃຫ້ອີຢູເປັນຜູ້ຕົກລົງ. ທ່ານນາງເທເລຊາ ເມ ນາຍົກລັດຖະມົນຕີອັງກິດໄດ້ກ່າວເຕືອນກ່ອນຈະລົງຄະແນນສຽງວ່າ: ຖ້າຜົນອອກມາເປັນຄືຢ່າງທີ 2 ຄືໃຫ້ອີຢູຕົກລົງເວລາກຳນົດຂັ້ນສຸດທ້າຍຂອງການຖອນອອກຈາກອີຢູແລ້ວ, ເວລາຂັ້ນສຸດທ້າຍຂອງການຖອນອອກຈາກອີຢູອາດຈະຖືກເລື່ອນເວລາອອກໄປຫຼາຍກວ່າ 3 ເດືອນ.
ກ່ອນຈະລົງຄະແນນສຽງຕໍ່ຂໍ້ສະເໜີຂອງລັດຖະບານໃນວັນດັ່ງກ່າວ, ສະພາຕ່ຳອັງກິດໄດ້ຢັບຢັ້ງຍັດຕິສະບັບປັບປຸງກ່ຽວກັບການຮຽກຮ້ອງໃຫ້ຈັດການລົງປະຊາມະຕິການຖອນອອກຈາກອີຢູເປັນຄັ້ງທີ 2 ໂດຍມີສຽງບໍ່ເຫັນດີຫຼາຍກວ່າສຽງເຫັນດີຢ່າງຫຼວງຫຼາຍ.
ກ່ອນໜ້ານີ້, ຄະນະກຳມາທິການອີຢູຖະແຫຼງວ່າ: ອີຢູມີທ່າທີເປີດກວ້າງຕໍ່ອັງກິດໃນການຖອນຕົວໂດຍສາມາດເລື່ອນເວລາ, ແຕ່ຖ້າອັງກິດຮຽກຮ້ອງໃຫ້ເລື່ອນເວລາຖອນຕົວ ກໍຕ້ອງໃຫ້ຄວາມກະຈ່າງແຈ້ງເຖິງຈຸດປະສົງແລະຄວາມໝາຍຂອງການເລື່ອນເວລາ.
ຄຳເຫັນ
0