ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມີນານີ້, ທ່ານກ່າວເຟິ່ງ ໂຄສົກກະຊວງການຄ້າຈີນກ່າວວ່າ: ໃນປະຫວັດສາດ, ອີຕາລີແມ່ນຈຸດສຳຄັນຂອງເສັ້ນທາງສາຍໄໝ, ຈີນຍິນດີຕ້ອນຮັບອີຕາລີຕັ້ງໜ້າເຂົ້າຮ່ວມການສ້າງ “ໜຶ່ງແລວໜຶ່ງເສັ້ນທາງ” ຮ່ວມກັນ.
ທ່ານກ່າວເຟິ່ງໄດ້ກ່າວຕໍ່ກອງປະຊຸມຖະແຫຼງຂ່າວໃນມື້ດຽວກັນວ່າ: ໃນຊຸມປີຜ່ານມາ, ການຮ່ວມມືຕົວຈິງດ້ານເສດຖະກິດການຄ້າລະຫວ່າງຈີນ ແລະອີຕາລີໄດ້ຮັບການພັດທະນາເປັນຢ່າງດີ. ໃນປີ 2018, ມູນຄ່າການຄ້າລະຫວ່າງຈີນ-ອີຕາລີບັນລຸເຖິງ 50 ຕື້ໂດລາສະຫະລັດ, ເພີ່ມຂຶ້ນ 9,1% ເມື່ອທຽບໃສ່ປີ 2017. ໃນເດືອນມັງກອນນີ້, ມູນຄ່າການຄ້າລະຫວ່າງສອງຝ່າຍສືບຕໍ່ຮັກສາທ່ວງທ່າເພີ່ມຂຶ້ນ, ໂດຍເພີ່ມຂຶ້ນເຖິງ 8,9% ເມື່ອທຽບໃສ່ໄລຍະດຽວກັນຂອງປີ 2018. ການລົງທຶນເຊິ່ງກັນ ແລະກັນເພີ່ມຂຶ້ນໂດຍໄວ ເຊິ່ງໄດ້ບັນລຸຫຼາຍກວ່າ 20 ຕື້ໂດລາສະຫະລັດ. ຈີນ ແລະອີຕາລີມີຊ່ອງທາງການຮ່ວມມືອັນໃຫຍ່ຫຼວງໃນດ້ານການເປີດກວ້າງການຄ້າ ແລະການລົງທຶນ, ການກໍ່ສ້າງພື້ນຖານໂຄງລ່າງ, ການທະນາຄານ, ສາທາລະນະສຸກ, ການທ່ອງທ່ຽວ ແລະຂົງເຂດອື່ນໆ.
ຄຳເຫັນ
0