ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມີນານີ້, ອຸມົງບໍ່ເຕັນ ເສັ້ນທາງລົດໄຟຈີນ-ລາວທີ່ກໍ່ສ້າງໂດຍກຸ່ມບໍລິສັດທາງລົດໄຟຈີນເລກ 5 ຈຳກັດ ໄດ້ທະລຸຢ່າງສຳເລັດຜົນ ເຊິ່ງເປັນອຸມົງໃຫຍ່ແລະຍາວແຫ່ງທຳອິດຕະຫຼອດເສັ້ນທາງລົດໄຟຈີນ-ລາວ.
ທ່ານຄຳສຸກ ບຸນຍະວົງ ຮອງປະທານຄະນະກຳມະການກວດກາສູນກາງພັກປະຊາຊົນປະຕິວັດລາວ, ທ່ານຈວີ່ໂກຈ່ຽງ ປະທານບໍລິສັດທາງລົດໄຟລາວ-ຈີນຈຳກັດ ແລະ ຜູ້ຕາງໜ້າບັນດາຝ່າຍທີ່ເຂົ້າຮ່ວມການກໍ່ສ້າງທາງລົດໄຟລາວ-ຈີນ ໄດ້ເຂົ້າຮ່ວມພິທີທະລຸອຸມົງຢ່າງພ້ອມພຽງ. ທ່ານຄຳສຸກ ບຸນຍະວົງ ໄດ້ສະແດງຄວາມຢື້ຢາມຖາມຂ່າວແລະຊົມເຊີຍຕໍ່ຜູ້ປະຕິບັດໜ້າທີ່ກໍ່ສ້າງທາງລົດໄຟ. ຂະນະທີ່ທ່ານຈວີ່ໂກຈ່ຽງ ໄດ້ກ່າວວ່າ: ອຸມົງບໍ່ເຕັນເປັນໂຄງການສຳຄັນແລະມີຄວາມຫຍຸ້ງຍາກໃນໂຄງການທາງລົດໄຟຈີນ-ລາວໄດ້ທະລຸຢ່າງສຳເລັດຜົນກ່ອນກຳນົດ 7 ເດືອນ ເຊິ່ງເປັນຂີດໝາຍສະແດງໃຫ້ເຫັນວ່າ ການກໍ່ສ້າງຂອງໂຄງການດັ່ງກ່າວໄດ້ຮັບຜົນສຳເລັດສຳຄັນຕາມແຜນການ. ນອກນີ້, ທ່ານຈວີ່ໂກຈ່ຽງຍັງໃຫ້ກຳລັງໃຈຜູ້ປະຕິບັດໜ້າທີ່ກໍ່ສ້າງທຸກຖ້ວນໜ້າຈົ່ງສືບຕໍ່ສຸມທຸກຄວາມພະຍາຍາມ ເພື່ອຮັບປະກັນໃຫ້ວຽກງານດ້ານວິສະວະກຳໂຍທາໄດ້ຮັບຜົນສຳເລັດຢ່າງສະດວກ.
ອຸມົງບໍ່ເຕັນຕັ້ງຢູ່ໃນແຂວງຫຼວງນ້ຳທາ ສປປ ລາວ, ມີລວງຍາວທັງໝົດ 6.453,5 ແມັດ ແມ່ນໜຶ່ງໃນອຸມົງໃຫຍ່ແລະຍາວກວ່າ 5 ກິໂລແມັດ 10 ແຫ່ງຕາມເສັ້ນທາງລົດໄຟຈີນ-ລາວ.
ຄຳເຫັນ
0