ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ມີນານີ້ຕາມເວລາທ້ອງຖິ່ນ ຢູ່ນະຄອນຫຼວງໂຣມປະເທດອີຕາລີ, ຈີນແລະອີຕາລີໄດ້ເຊັນບົດບັນທຶກຄວາມເຂົ້າໃຈກັນລະຫວ່າງລັດຖະບານກ່ຽວກັບການຮ່ວມກັນຊຸກຍູ້ການສ້າງ“ໜຶ່ງແລວໜຶ່ງເສັ້ນທາງ”. ບຸກຄົນວົງການການຄ້າແລະວິຊາການຫຼາຍທ່ານໄດ້ກ່າວໃນຂະນະທີ່ໃຫ້ສຳພາດຕໍ່ນັກຂ່າວວ່າ, ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”ນັບມື້ນັບມີສະມາຊິກເພີ່ມຫຼາຍຂຶ້ນ, ອີຕາລີໄດ້ເຂົ້າຮ່ວມຢ່າງຕັ້ງໜ້າຈະເຮັດໃຫ້ການຮ່ວມກັນສ້າງ“ໜຶ່ງແລວໜຶ່ງເສັ້ນທາງ”ນຳເອົາຜົນປະໂຫຍດໄປໃຫ້ແກ່ປະເທດແລະປະຊາຊົນຢູ່ໃນໂລກຫຼາຍກວ່າເກົ່າ.
ທ່ານ ວາງຕ້າເວີ້ຍ ຮອງປະທານຄະນະມົນຕີສູນແລກປ່ຽນເສດຖະກິດສາກົນຈີນກ່າວວ່າ:ອີຕາລີແມ່ນຈຸດເຊື່ອມຕໍ່ທີ່ສຳຄັນຂອງເສັ້ນທາງສາຍໄໝສະໄໝບູຮານໃນປະຫວັດສາດ,ການຕອບຮັບຢ່າງຕັ້ງໜ້າຂອງອີຕາລີຈະສາມາດເຮັດໃຫ້ພາກພື້ນເອີຣົບມີຄວາມເຂົ້າໃຈຕໍ່ເຈດຕະນາອັນດີຂອງຂໍ້ລິເລີ່ມ“ໜຶ່ງແລວໜຶ່ງເສັ້ນທາງ”ເປັນຢ່າງດີ.
ທ່ານ ຈ່າງຈື້ໂກ໋ ຮອງຜູ້ອຳນວຍການກຸ່ມບໍລິສັດອຸປະກອນໂຄງການທາງລົດໄຟຈີນຈຳກັດຫວັງວ່າຈະໄດ້ຮ່ວມມືກັບວິສາຫະກິດເອີຣົບຫຼາຍກວ່າເກົ່າ ເພື່ອເປີດກວ້າງຕະຫຼາດຝ່າຍທີ 3.
ການຮ່ວມມືເຂົ້າຮ່ວມຕະຫຼາດຝ່າຍທີ 3, ແມ່ນຄຳສັບທີ່ໄດ້ກ່າວເຖິງຕະຫຼອດໃນການສ້າງ“ໜຶ່ງແລວໜຶ່ງເສັ້ນທາງ”ໃນຊຸມປີມານີ້. ປັດຈຸບັນ,ຈີນໄດ້ເຊັນຖະແຫຼງການຮ່ວມຫຼືບົດບັນທຶກຄວາມເຂົ້າໃຈກັບເກືອບ 20 ກວ່າປະເທດທີ່ພັດທະນາເຊັ່ນ:ອັງກິດ,ສິງກະໂປ,ເຢຍລະມັນແລະອີຕາລີເປັນຕົ້ນ,ເພື່ອດຳເນີນການຮ່ວມມືໃນຕະຫຼາດຝ່າຍທີ 3. ຕາມນັກຂ່າວທີ່ໄດ້ຊາບ,ວິສາຫະກິດຂອງປະເທດທີ່ພັດທະນາລວມທັງບໍລິສັດ GE ຂອງອາເມຣິກາ ບໍລິສັດຊີເມນສ໌(Siemens)ຂອງເຢຍລະມັນແລະວິສາຫະກິດຈີນໄດ້ຢວ່າງບາດກ້າວທີ່ມີລັກສະນະທາດແທ້ໃນດ້ານການຮ່ວມກັນສ້າງ“ໜຶ່ງແລວໜຶ່ງເສັ້ນທາງ”,ໃນດ້ານການຮ່ວມມືເປີດກວ້າງຕະຫຼາດຝ່າຍທີ 3,ກໍ່ໄດ້ຮັບໝາກຜົນທີ່ຕິດແທດຕົວຈິງມາແລ້ວ.
ຄຳເຫັນ
0