ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 24 ມີນານີ້ຕາມເວລາທ້ອງຖິ່ນ, ທ່ານ ສີຈິ້ນຜິງ ປະທານປະເທດຈີນໄດ້ເດີນທາງເຖິງນະຄອນນິສປະເທດຝຣັ່ງ,ແລ້ວສືບຕໍ່ເດີນທາງໂດຍລົດຍົນເຖິງໂມນາໂກ,ເລີ່ມຢ້ຽມຢາມໂມນາໂກທາງລັດຖະກິດ. ນີ້ແມ່ນປະມຸກລັດຈີນຢ້ຽມຢາມປະເທດດັ່ງກ່າວເປັນຄັ້ງທຳອິດ. ໃນຫຼາຍມື້ມານີ້, ສື່ມວນຊົນໂມນາໂກໄດ້ໃຫ້ຄວາມສົນໃຈຢ່າງສູງຕໍ່ການຢ້ຽມຢາມຂອງທ່ານປະທານສີຈິ້ນຜິງ.
ໜັງສືພິມມາຕິນໂມນາໂກໄດ້ພິມບົດຄວາມລົງໜ້າ 1 ໂດຍລາຍງານວ່າ:ການຢ້ຽມຢາມໂມນາໂກຂອງທ່ານປະທານສີຈິ້ນຜິງເປັນໄລຍະສຳຄັນໃນປະຫວັດສາດໂມນາໂກ. ຢູ່ຕາມຕຶກອາຄານທີ່ສຳຄັນແລະຖະໜົນສາຍຫຼັກຂອງໂມນາໂກລ້ວນແຕ່ໄດ້ແຂວນທຸງຊາດຂອງສອງປະເທດຈີນ-ໂມນາໂກ,ຢູ່ທົ່ວນະຄອນລັດໂມນາໂກເຕັມໄປດ້ວຍສີທຸງຊາດຈີນ.
ສະຖານີໂທລະພາບແຫ່ງຊາດໂມນາໂກໄດ້ຖ່າຍທອດພິທີຕ້ອນຮັບທ່ານປະທານສີຈິ້ນຜິງ,ແລະໄດ້ລາຍງານວ່າ:ໃນໄລຍະການພົບປະລະຫວ່າງສອງຝ່າຍ,ປະມຸກລັດຂອງສອງປະເທດໄດ້ປຶກສາຫາລືກ່ຽວກັບບັນຫາທີ່ສົນໃຈຮ່ວມກັນ,ລວມທັງເສດຖະກິດ,ກິລາ,ວັດທະນະທຳແລະການອະນຸລັກສິ່ງແວດລ້ອມ. ການລາຍງານຊີ້ໃຫ້ເຫັນວ່າ:ການປຶກສາຫາລືທັງໝົດເຫຼົ່ານີ້ລ້ວນແຕ່ໄດ້ປິ່ນອ້ອມການຂະຫຍາຍສາຍພົວພັນລະຫວ່າງໂມນາໂກ-ຈີນຢ່າງກົມກຽວກັນແລະສ້າງປະຊາຄົມຮ່ວມຊາຕາກຳມວນມະນຸດ.
ຄຳເຫັນ
0