ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເພື່ອຈັດຕັ້ງປະຕິບັດຄວາມເຫັນເປັນເອກະພາບກັນລະຫວ່າງປະມຸກລັດຈີນ-ອີຕາລີວ່າດ້ວຍການລົງເລິກຄວາມໄວ້ເນື້ອເຊື່ອໃຈກັນແລະການຮ່ວມມືຕົວຈິງໃນຂົງເຂດຕ່າງໆ, ຊຸກຍູ້ການພັດທະນາວຽກງານບານເຕະຂອງສອງປະເທດກໍຄືການເຜີຍແຜ່ວັດທະນະທຳບານເຕະ, ສະຖານີວິທະຍຸໂທລະພາບສູນກາງຈີນຫຼື CMG ແລະສະມາຄົມບານເຕະອີຕາລີໄດ້ບັນລຸຈຸດປະສົງໃນການຮ່ວມມືຍຸດທະສາດຮອບດ້ານໃນວັນທີ 24 ມີນານີ້ ເຊິ່ງຄາດວ່າ ໃນ 3 ປີຕໍ່ໜ້າ, ການແຂ່ງຂັນບານເຕະ Serie A ອີຕາລີຈະສາມາດເຂົ້າເຖິງຈີນຢ່າງເປັນປົກກະຕິ.
ທ່ານເຊີ້ນໄຫສົງ ຜູ້ອຳນວຍການໃຫຍ່ສະຖານີວິທະຍຸໂທລະພາບສູນກາງຈີນແລະທ່ານກາບຣີເອເລ ກຣາວິນາ ປະທານສະມາຄົມບານເຕະອີຕາລີໄດ້ລົງນາມໃນບົດບັນທຶກການຮ່ວມມືໃນວັນທີ 24 ມີນານີ້ຢູ່ນະຄອນຫຼວງໂຣມ ປະເທດອີຕາລີ. ຕາມສັນຍາດັ່ງກ່າວ, ສອງຝ່າຍຈະດຳເນີນການຝຶກອົບຮົມເຕັກນິກວິຊາການບານເຕະ, ຜູ້ຄຸ້ມຄອງບໍລິຫານສະໂມສອນບານເຕະແລະການສຶກສາອົບຮົມບານເຕະຢູ່ໂຮງຮຽນ ທັງຈັດໃຫ້ທີມຊາດສອງປະເທດຈັດການແຂ່ງຂັນເຕະບານມິດຕະພາບເຊິ່ງກັນແລະກັນ ແລະຮ່ວມມືກັນໃນການພັດທະນາລະບົບດີຈີຕອນພ້ອມດ້ວຍຜະລິດຕະພັນໃນຂົງເຂດບານເຕະ ເພື່ອສ້າງເວທີແລກປ່ຽນແບບໃໝ່ໃຫ້ແກ່ແຟນບານແລະທີມບານຂອງສອງປະເທດແລະອື່ນໆ.
ໃນພິທີລົງນາມ, ທ່ານເຊີນໄຫສົງກ່າວວ່າ: ການຢ້ຽມຢາມອີຕາລີຢ່າງສຳເລັດຜົນຂອງທ່ານປະທານສີຈິ້ນຜິງມີຄວາມໝາຍສຳຄັນທີ່ເປັນຂີດໝາຍປະຫວັດສາດ, ການຮ່ວມມືຂອງສອງຝ່າຍໃນຂົງເຂດບານເຕະເທື່ອນີ້ຍ່ອມຈະເປັນການເປີດຂະບວນການຄັ້ງໃໝ່ແຫ່ງການແລກປ່ຽນແລະຮ່ວມມືກັນໃນຂົງເຂດວັດທະນະທຳກິລາແລະອື່ນໆລະຫວ່າງສອງປະເທດ. ທ່ານກ່າວວ່າ: ສະຖານີວິທະຍຸໂທລະພາບສູນກາງຈີນຈະສຸມທຸກຄວາມພະຍາຍາມສະໜັບສະໜູນການຮ່ວມມືສາກົນໃນວຽກງານບານເຕະຈີນ ແລະເຮັດໃຫ້ບານເຕະກາຍເປັນກຳລັງຊຸກຍູ້ການຂະຫຍາຍສາຍພົວພັນຈີນ-ອາຕາລີ.
ຄຳເຫັນ
0