ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານສູນກາງສປປເກົາຫຼີລາຍງານໃນວັນທີ 18 ເມສານີ້ວ່າ: ວັນທີ 17 ເມສານີ້, ທ່ານ ກິມເຈີງອຸນ ຜູ້ນຳສູງສຸດຂອງສປປເກົາຫຼີ ໄດ້ໄປສັງເກດແລະຊີ້ນຳການທົດລອງຍິງ “ອາວຸດນຳວິຖີຍຸດທະວິທີແບບໃໝ່” ຢູ່ສະຖາບັນວິທະຍາສາດປ້ອງກັນປະເທດ.
ຂ່າວລາຍງານວ່າ: ຈຸດພົ້ນເດັ່ນຂອງອາວຸດແບບໃໝ່ດັ່ງກ່າວແມ່ນ “ວິທີການນຳວິຖີການບິນພິເສດແລະສາມາດບັນຈຸຫົວຮົບທີ່ມີອະນຸພາບຮ້າຍແຮງ”,ເປັນການທົດລອງຍິງເປົ້າໝາຍທີ່ແຕກຕ່າງກັນດ້ວຍວິທີການຍິງຊະນິດຕ່າງໆ,ເຊິ່ງໄດ້ທົດສອບບັນດາດັດຊະນີການອອກແບບອາວຸດດັ່ງກ່າວ ຢ່າງສວຍງາມ. ການລາຍງານຂ່າວບໍ່ໄດ້ເວົ້າເຖິງຊື່ແລະປະເພດຂອງອາວຸດດັ່ງກ່າວຢ່າງລະອຽດ.
ຂ່າວລາຍງານຕື່ມວ່າ: ທ່ານ ກິມເຈີງອຸນ ໄດ້ສະເໜີເປົ້າໝາຍຍຸດທະສາດແລະເປົ້າໝາຍຕາມຂັ້ນຕອນໃນຫຼາຍດ້ານເຊັ່ນ:ການຫັນການຜະລິດຍຸດທະພັນໃຫ້ເປັນປົກກະຕິ,ສືບຕໍ່ຍົກລະດັບວິທະຍາສາດເຕັກນິກປ້ອງກັນປະເທດຂຶ້ນສູ່ລະດັບສຸດຍອດ,ກໍຄືໜ້າທີ່ແລະຊ່ອງທາງທີ່ລະອຽດໃນການຜັນຂະຫຍາຍແລະຈັດຕັ້ງປະຕິບັດເປົ້າໝາຍດັ່ງກ່າວ.
ຄຳເຫັນ
0