ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ພຶດສະພານີ້, ທ່ານສີຈິ້ນຜິງ ປະທານປະເທດຈີນໄດ້ກ່າວປາໄສໃນກອງປະຊຸມສົນທະນາອາລະຍະທຳອາຊີທີ່ຈັດຂຶ້ນຢູ່ນະຄອນຫຼວງປັກກິ່ງວ່າ: ບັນດາປະເທດອາຊີມີປະຫວັດສາດຄ້າຍຄືກັນ ແລະມີຄວາມໃຝ່ຝັນເຊັ່ນດຽວກັນ, ສະນັ້ນຄວນພະຍາຍາມສ້າງຄວາມມຸ້ງມາດປາຖະໜາຕໍ່ຊີວິດການເປັນຢູ່ທີ່ດີຂອງປະຊາຊົນໃຫ້ກາຍເປັນຈິງ.
ທ່ານສີຈິ້ນຜິງເຫັນວ່າ: ປະຊາຊົນມີຄວາມມຸ້ງຫັວງໃຫ້ອາຊີກາຍເປັນເຂດທີ່ມີສັນຕິພາບ, ມີຄວາມໝັ້ນຄົງ, ມີຄວາມຈະເລີນຮຸ່ງເຮືອງຮ່ວມກັນ, ເປີດປະຕູສູ່ພາຍນອກ ແລະເຊື່ອມໂຍງເຂົ້າກັນ. ທ່ານຮຽກຮ້ອງໃຫ້ບັນດາປະເທດອາຊີຈົ່ງເຄົາລົບນັບຖື ແລະໄວ້ເນື້ອເຊື່ອໃຈກັນ, ມີຄວາມສາມັກຄີປອງດອງກັນ, ຮ່ວມກັນຊຸກຍູ້ຂະບວນການໂລກາພິວັດທາງເສດຖະກິດທີ່ເປີດປະຕູສູ່ພາຍນອກ, ກວມລວມ, ສ້າງຜົນປະໂຫຍດໃຫ້ທົ່ວເຖິງ, ມີຄວາມດຸນດ່ຽງ ແລະໃຫ້ຕ່າງຝ່າຍຕ່າງມີຜົນປະໂຫຍດ, ຫຼຸດຜ່ອນຄວາມທຸກຍາກ ແລະຫຼ້າຫຼັງຂອງບາງປະເທດ, ຮ່ວມກັນສ້າງຊີວິດການເປັນຢູ່ທີ່ມີອາຫານການກິນ ແລະມີເຄື່ອງນຸ່ງໃຫ້ເດັກນ້ອຍ. ທ່ານຫວັງວ່າບັນດາປະເທດອາຊີຈະຍຶດໝັ້ນຈິດໃຈການເປີດປະຕູສູ່ພາຍນອກ, ຊູກຍູ້ການແລກປ່ຽນໃນດ້ານນະໂຍບາຍ, ການເຊື່ອມຈອດພື້ນຖານໂຄງລ່າງ, ສ້າງຄວາມສະດວກດ້ານການຄ້າ, ການເຊື່ອງໂຍງດ້ານທຶນຮອນ ແລະການເຊື່ອມສານຈິດໃຈຂອງປະຊາຊົນ, ຮ່ວມກັນສ້າງປະຊາຄົມຮ່ວມຊາຕາກຳອາຊີ ແລະປະຊາຄົມຮ່ວມຊາຕາກຳຂອງມວນມະນຸດ.
ຄຳເຫັນ
0