ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງຈາກບໍ່ສາມາດບັນລຸຄວາມເປັນເອກະພາບກັນໃນການເຈລະຈາກ່ຽວກັບການຮ້ອງຂໍການອຸດໜູນຈາກລັດຖະບານ, ວັນທີ 22 ພຶດສະພານີ້, ບໍລິສັດເຫຼັກກ້າອັງກິດ ເຊິ່ງເປັນວິສາຫະກິດຜະລິດເຫຼັກກ້າໃຫຍ່ອັນດັບ 2 ຂອງອັງກິດ ໄດ້ປະກາດເລີ່ມດຳເນີນຂັ້ນຕອນການລົ້ມລະລາຍ, ໂດຍຈະໃຫ້ລັດຖະບານຄຸ້ມຄອງ ແລະຊອກຫາຜູ້ຊື້ກິດຈະການ.
ບໍລິສັດເຫຼັກກ້າອັງກິດກ່າວຕໍ່ສື່ມວນຊົນວ່າ: ຄວາມບໍ່ແນ່ນອນຂອງການຖອນອອກຈາກສະຫະພາບເອີຣົບຂອງອັງກິດ ເຮັດໃຫ້ໃບສັ່ງຊື້ຈາກລູກຄ້າເອີຣົບຫຼຸດໜ້ອຍລົງຢ່າງຫຼວງຫຼາຍ, ບວກກັບອາເມຣິກາເພີ່ມພາສີຕໍ່ຜະລິດຕະພັນເຫຼັກກ້າແລະອານູມີນຽມ, ຈຶ່ງເຮັດໃຫ້ບໍລິສັດຕົນຜະເຊີນກັບວິກິດການດ້ານການເງິນ. ເພື່ອຫຼຸດພົ້ນອອກຈາກວິກິດການການເງິນ, ບໍລິສັດເຫຼັກກ້າອັງກິດໄດ້ຮ້ອງຂໍການອຸດໜູນຈາກລັດຖະບານອັງກິດ ແລະການເຈລະຈາລະຫວ່າງສອງຝ່າຍບໍ່ບັນລຸຄວາມເປັນເອກະພາບກັນ.
ສື່ມວນຊົນທ້ອງຖິ່ນລາຍງານວ່າ, ພະນັກງານປະມານ 5.000 ຄົນຂອງບໍລິສັດເຫຼັກກ້າອັງກິດຈະຜະເຊີນໜ້າກັບຄວາມສ່ຽງທີ່ຈະວ່າງງານ. ນອກນີ້, ພະນັກງານ 20.000 ກວ່າຄົນທີ່ເຮັດວຽກຢູ່ບໍລິສັດທີ່ເປັນຕ່ອງໂສ້ການສະໜອງໃຫ້ບໍລິສັດເຫຼັກກ້າອັງກິດນັ້ນ ກໍຈະຜະເຊີນກັບຄວາມສ່ຽງທີ່ຈະວ່າງງານໂດຍທາງອ້ອມ.
ຄຳເຫັນ
0