ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມລັດຖະມົນຕີການຄ້າຂອງກຸ່ມ G20 ຈະຈັດຂຶ້ນຢູ່ຍີ່ປຸ່ນແຕ່ວັນທີ 8-9 ມິຖຸນາໜ້ານີ້. ທ່ານ ກ່າວເຟິ່ງ ໂຄສົກກະຊວງການຄ້າຈີນກ່າວຢູ່ນະຄອນຫຼວງປັກກິ່ງໃນວັນທີ 23 ພຶດສະພານີ້ວ່າ: ກອງປະຊຸມລັດຖະມົນຕີການຄ້າຂອງກຸ່ມ G20 ປີນີ້ ຈະສຸມໃສ່ປຶກສາຫາລືການພັດທະນາການຄ້າທົ່ວໂລກ, ການປັບປຸງສະພາບແວດລ້ອມການດຳເນີນທຸລະກິດການຄ້າໃຫ້ດີ, ການລົງທຶນດ້ານການຄ້າກັບການເຕີບໂຕແບບຍືນຍົນແລະກວມລວມ, ການປະຕິຮູບອົງການການຄ້າໂລກ, ການຄ້າກັບເສດຖະກິດດິຈິຕອນ ແລະຫົວຂໍ້ອື່ນໆ.
ທ່ານ ກ່າວເຟິ່ງ ກ່າວຕື່ມວ່າ: ຈີນຫວັງວ່າຈະຮ່ວມກັນກັບບັນດາຝ່າຍໃນກຸ່ມ G20, ສືບຕໍ່ເພີ່ມທະວີການຮ່ວມມືແລະເຕົ້າໂຮມຄວາມເຫັນເປັນເອກະພາບກັນ, ເພື່ອປົກປັກຮັກສາລັດທິຫຼາຍຝ່າຍແລະການຄ້າເສລີ, ຄັດຄ້ານລັດທິຝ່າຍດຽວແລະລັດທິປົກປ້ອງ, ສະໜັບສະໜູນການປະຕິຮູບອົງການການຄ້າໂລກໃນສ່ວນທີ່ຈຳເປັນ, ເພີ່ມທະວີການຮ່ວມມືໃນດ້ານການຄ້າເອເລັກໂຕຣນິກ ແລະຂົງເຂດອື່ນໆຕື່ມອີກ ເພື່ອປະກອບສ່ວນເຂົ້າໃນການເຕີບໂຕຂອງເສດຖະກິດທົ່ວໂລກ.
ຄຳເຫັນ
0