ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການເລືອກຕັ້ງລັດຖະສະພາເອີຣົບທີ່ 5 ປີໃດຈັດຂຶ້ນເທື່ອໜຶ່ງ ໄດ້ຈັດຂຶ້ນຢູ່ 28 ປະເທດສະມາຊິກສະຫະພາບເອີຣົບແຕ່ວັນທີ 23-26 ພຶດສະພານີ້. ຜູ້ມີສິດເລືອກຕັ້ງຈະປ່ອນບັດເລືອກຕັ້ງເອົາສະມາຊິກສະພາ 751 ຄົນ ເພື່ອປະກອບເປັນລັດຖະສະພາເອີຣົບຊຸດທີ 9. ວັນທີ 23 ພຶດສະພານີ້, ຜູ້ມີສິດເລືອກຕັ້ງຂອງອັງກິດແລະໂຮນລັງ ໄດ້ໄປປ່ອນບັດລົງຄະແນນສຽງ.
ໃນມື້ດັ່ງກ່າວ, ຜູ້ສະໝັກຮັບເລືອກຕັ້ງຂອງໂຮນລັງ 308 ຄົນໄດ້ເຂົ້າຮ່ວມການແຂ່ງຂັນເລືອກຕັ້ງເອົາ 26 ທີ່ນັ່ງໃນລັດຖະສະພາເອີຣົບ. ສ່ວນຢູ່ອັງກິດ, ຜູ້ມີສິດເລືອກຕັ້ງຈະແຂ່ງຂັນເລືອກຕັ້ງເອົາ 73 ຄົນເພື່ອຕາງໜ້າໃຫ້ແກ່ອັງກິດເຂົ້າຮ່ວມລັດຖະສະພາເອີຣົບ.
ການເລືອກຕັ້ງລັດຖະສະພາເອີຣົບ ໄດ້ໃຊ້ລະບຽບການຜູ້ຕາງໜ້າຕາມມາດຕາສ່ວນທີ່ໄດ້ຮັບການແບ່ງປັນ. ໃນເວລາເລືອກຕັ້ງ, ບັນດາປະເທດສະມາຊິກຈະປະຕິບັດຕາມຫຼັກການຮ່ວມຈຳນວນໜຶ່ງ ແຕ່ກໍມີຄວາມແຕກຕ່າງກັນ. ການປ່ອນບັດເລືອກຕັ້ງຈະຈັດຂຶ້ນຢູ່ປະເທດສະມາຊິກສ່ວນຫຼາຍໃນວັນທີ 26 ພຶດສະພານີ້ ແລະຜົນການລົງຄະແນນສຽງຈະເປີດເຜີຍໂດຍອົງການສະເພາະພາຍຫຼັງເວລາ 23:00 ໂມງຂອງວັນທີ 26 ພຶດສະພານີ້ຕາມເວລາບຣຸກແຊນ.
ຄຳເຫັນ
0