ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມຜູ້ປະສານງານເພື່ອຈັດຕັ້ງປະຕິບັດຜົນຂອງກອງປະຊຸມສຸດຍອດປັກກິ່ງຂອງເວທີປຶກສາຫາລືການຮ່ວມມືຈີນ-ອາຟຣິກາໄດ້ຈັດຂຶ້ນໃນວັນທີ 25 ມິຖຸນານີ້ຢູ່ນະຄອນຫຼວງປັກກິ່ງ ສປ ຈີນ ໂດຍທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມ ແລະ ອ່ານສານຊົມເຊີຍຂອງທ່ານສີຈິ້ນຜິງ ປະທານປະເທດຈີນ ທັງກ່າວຄຳເຫັນ ໂດຍກ່າວວ່າ: ເມື່ອໄດ້ວາງແຜນການຮ່ວມມືລະຫວ່າງຈີນ-ອາຟຣິກາໃນຍຸກໃໝ່ຢ່າງຮຽບຮ້ອຍແລ້ວ ສິ່ງສຳຄັນແມ່ນການຈັດຕັ້ງປະຕິບັດ. ຈີນຍິນດີຮ່ວມກັບຝ່າຍອາຟຣິກາ, ປະຕິບັດຕາມສັນຍາຂອງຕົນຢ່າງຈິງຈັງແລະມີປະສິດທິພາບສູງ, ຈັດຕັ້ງປະຕິບັດຂໍ້ຕົກລົງຕ່າງໆແລະບັນດາຜົນຂອງກອງປະຊຸມສຸດຍອດປັກກິ່ງຂອງເວທີປຶກສາຫາລືການຮ່ວມມືຈີນ-ອາຟຣິກາໃຫ້ມີປະສິດທິຜົນຢ່າງຮອບດ້ານ. ຕ້ອງຍຶດໝັ້ນທິດທາງພື້ນຖານຂອງການສ້າງປະຊາຄົມຮ່ວມຊາຕາກຳ, ຍຶດໝັ້ນເສັ້ນທາງການພັດທະນາທີ່ຈີນແລະອາຟຣິກາຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ຍຶດໝັ້ນຫຼັກໝັ້ນທີ່ເປັນທຳເພື່ອປົກປ້ອງລັດທິຫຼາຍຝ່າຍ, ປົກປັກຮັກສາຜົນປະໂຫຍດຮ່ວມຂອງປະເທດພວມພັດທະນາແລະກຸ່ມເສດຖະກິດທີ່ຈະເລີນໃໝ່ທັງໝົດ, ຍຶດໝັ້ນຈິດໃຈການຮ່ວມມືທີ່ສະເໝີພາບແລະເປີດກວ້າງ. ຈີນຈະຮ່ວມແຮງຮ່ວມໃຈແລະຮ່ວມຊາຕາກຳກັບອາຟຣິກາ.
ທ່ານຫວາງຢີ້ ກ່າວເນັ້ນອີກວ່າ: ປະຊາຊົນຈີນແລະອາຟຣິກາເດັດດ່ຽວສຸມໃສ່ການບຸນລຸຄວາມໃຝ່ຝັນຂອງຈີນ ແລະ ຄວາມໃຝ່ຝັນຂອງອາຟຣິກາ ໂດຍຜ່ານຄວາມພະຍາຍາມຂອງຕົນແລະການຮ່ວມມືສາກົນ ບໍ່ວ່າຈະຖືກລົບກວນໃນຮູບແບບໃດໆກໍຕາມ ກໍບໍ່ສາມາດສ້າງຜົນກະທົບຕໍ່ຄວາມຕັດສິນໃຈອັນເດັດຂາດໃນການເພີ່ມທະວີການຮ່ວມມືລະຫວ່າງຈີນແລະອາຟຣິກາໄດ້ ແລະ ບໍ່ວ່າຄວາມຫຍຸ້ງຍາກໃດໆກໍຕາມ ກໍບໍ່ສາມາດກີດຂວາງບາດກ້າວເດີນໄປໜ້າຂອງຈີນແລະອາຟຣິກາໃນການຮ່ວມມືກັນເພື່ອສ້າງສາຄວາມຈະເລີນຮຸ່ງເຮືອງຂອງຕົນ.
ຄຳເຫັນ
0