ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊີນຮວາ: ກອງປະຊຸມສົນທະນາລະຫວ່າງນັກທຸລະກິດກັບອະດີດເຈົ້າໜ້າທີ່ອາວຸໂສຈີນ-ຍີ່ປຸ່ນຄັ້ງທີ 5 ໄດ້ຈັດຂຶ້ນຢູ່ໂຕກຽວແຕ່ວັນທີ 10 ຫາວັນທີ 11 ກໍລະກົດນີ້. ກອງປະຊຸມເຫັນວ່າ, ນັກທຸລະກິດສອງຝ່າຍຄວນກຳກາລະໂອກາດ, ບຸກເບີກຂົງເຂດການຮ່ວມມືໃໝ່, ຊຸກຍູ້ການແລກປ່ຽນເສດຖະກິດການຄ້າລະຫວ່າງສອງປະເທດຢ່າງແທ້ຈິງ, ເພີ່ມພະລັງແຮງໃໝ່ໃນການສ້າງສາຍພົວພັນຈີນ-ຍີ່ປຸ່ນໃນຍຸກໃໝ່.
ທ່ານເຈິ່ງເຜີຍຢຽນ ປະທານສູນແລກປ່ຽນເສດຖະກິດສາກົນຈີນ, ທ່ານຟູຄູດາຢາຊູໂອ ອະດີດນາຍົກລັດຖະມົນຕີຍີ່ປຸ່ນ, ພ້ອມດ້ວຍຜູ້ບໍລິຫານວິສາຫະກິດການຄ້າ, ອະດີດເຈົ້າໜ້າທີ່ອາວຸໂສ, ຜູ້ຊ່ຽວຊານແລະນັກວິຊາການ ລວມ 80 ທ່ານໄດ້ເຂົ້າຮ່ວມກອງປະຊຸມດັ່ງກ່າວ. ຜູ້ແທນສອງຝ່າຍໄດ້ດຳເນີນການສົນທະນາກັນຢ່າງກົງໄປກົງມາໂດຍປິ່ນອ້ອມສະພາບການເສດຖະກິດຈີນ-ຍີ່ປຸ່ນ, ແລະອະນາຄົດແຫ່ງການພົວພັນເສດຖະກິດການຄ້າສອງຝ່າຍ.
ສອງຝ່າຍເປັນເອກະພາບກັນເຫັນວ່າ, ຈີນ-ຍີ່ປຸ່ນລ້ວນແຕ່ໄດ້ກ້າວເຂົ້າສູ່ຍຸກໃໝ່ແຫ່ງການພັດທະນາ, ການພົວພັນສອງປະເທດໄດ້ຜະເຊີນກັບໂອກາດການພັດທະນາອັນໃໝ່. ສອງຝ່າຍຄວນຈັດຕັ້ງຜັນຂະຫຍາຍໝາກຜົນການພົບປະຂອງຜູ້ນຳສອງປະເທດໃນກອງປະຊຸມສຸດຍອດG20 ໂດຍໄວ, ພ້ອມກັນຊຸກຍູ້ສາຍພົວພັນສອງປະເທດໃຫ້ຂະຫຍາຍຕົວໄປໜ້າຢ່າງປອດໃສ, ລົງເລິກການເຊື່ອມໂຍງຜົນປະໂຫຍດຂອງສອງປະເທດຕື່ມອີກ, ເພີ່ມທະວີການຮ່ວມມືແບບຕ່າງຝ່າຍຕ່າງມີຜົນປະໂຫຍດໃນຂົງເຂດໃຫ້ກວ້າງຂວາງກວ່າເກົ່າ.
ຄຳເຫັນ
0