ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກໍລະກົດນີ້, ກອງປະຊຸມສຳມະນາທິດສະດີແນວຄິດສີຈິ້ນຜິງກ່ຽວກັບການຕ່າງປະເທດໄດ້ຈັດຂຶ້ນຢູ່ທີ່ປັກກິ່ງ. ທ່ານຊົ້ງທ່າວ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນໄດ້ກ່າວເປີດພິທີ.
ທ່ານຊົ້ງທ່າວກ່າວເນັ້ນວ່າ: ແນວຄິດສີຈິ້ນຜິງກ່ຽວກັບການຕ່າງປະເທດ ໄດ້ກຳນົດຢ່າງຈະແຈ້ງວ່າວຽກງານການຕ່າງປະເທດສຳລັບປະເທດໃຫຍ່ທີ່ມີສີສັນພິເສດແບບຈີນແມ່ນຕ້ອງຊຸກຍູ້ການສ້າງສາຍພົວພັນສາກົນແບບໃໝ່, ຊຸກຍູ້ການສ້າງປະຊາຄົມຮ່ວມຊາຕາກຳມວນມະນຸດ, ຈຸດສຸມກໍ່ແມ່ນຖືເອົາຜົນປະໂຫຍດພື້ນຖານຂອງຈີນສົມທົບກັບຜົນປະໂຫຍດຮ່ວມກັນຂອງບັນດາປະເທດ, ຊຸກຍູ້ການສ້າງສາຍພົວພັນຈີນກັບຕ່າງປະເທດທີ່ເຄົາລົບເຊິ່ງກັນແລະກັນ, ຍຸດຕິທຳເປັນທຳ, ຮ່ວມມືກັນເພື່ອໄຊຊະນະທີ່ຕ່າງຝ່າຍຕ່າງມີຜົນປະໂຫຍດ. ໂດຍສະເພາະໃນເວລາຜະເຊີນໜ້າກັບລັດທິຝ່າຍດຽວ, ລັດທິປົກປ້ອງ, ແລະລັດທິມະຫາອຳນາດຂອງອາເມລິກາ, ໃນເວລາດຳເນີນການຕໍ່ສູ້ຢ່າງເດັດດ່ຽວກັບວາຈາແລະການກະທຳທີ່ຜິດພາດຂອງອາເມລິການັ້ນ, ຈີນຕ້ອງຍຶດໝັ້ນການຊຸກຍູ້ສາຍພົວພັນຈີນ-ອາເມລິກາທີ່ມີການປະສານງານ ການຮ່ວມມື ແລະມີຄວາມໝັ້ນຄົງເປັນພື້ນຖານ, ຍຶດໝັ້ນລັດທິຫຼາຍຝ່າຍ, ຊຸກຍູ້ການຄ້າເສລີ, ການລົງທຶນທີ່ສະດວກ, ຊຸກຍູ້ໃຫ້ “ໜຶ່ງແລວໜຶ່ງເສັ້ນທາງ”ພັດທະນາດ້ວຍຄຸນນະພາບສູງ, ຕັ້ງໜ້ານຳພາການປ່ຽນແປງລະບົບການຄຸ້ມຄອງແລະບໍລິຫານທົ່ວໂລກ, ສ່ອງແສງໃຫ້ເຫັນລັກສະນະການເມືອງຂອງແນວຄິດສີຈິ້ນຜິງກ່ຽວກັບການຕ່າງປະເທດທີ່ວ່າ: ທັງຍຶດໝັ້ນຫຼັກການ, ກ້າຕໍ່ສູ້, ກຳທ່າອ່ຽງລວມໃຫ້ໄດ້, ແລະກ້າວໜ້າໄປພ້ອມກັບຍຸກສະໄໝ.
ຄຳເຫັນ
0