ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານຊິນຮວາລາຍງານວ່າ: ລັດຖະບານຈີນໄດ້ຈັດກອງປະຊຸມຕາມປົກກະຕິໃນວັນທີ 17 ກໍລະກົດນີ້ໂດຍເພີ່ມທະວີການປົກປ້ອງຊັບສິນທາງປັນຍາຕື່ມອີກ ແລະໄດ້ວາງແຜນການປົກປ້ອງສິດແລະຜົນປະໂຫຍດທີ່ຖືກຕ້ອງຕາມກົດໝາຍຂອງອົງກອນ ປະເພດຕ່າງໆໃນຕະຫຼາດຢ່າງຕິດແທດຕົວຈິງ. ທີ່ປະຊຸມຊີ້ອອກວ່າ: ຕ້ອງສືບຕໍ່ເພີ່ມທະວີການບັງຄັບໃຊ້ກົດໝາຍປົກປ້ອງຊັບສິນທາງປັນຍາ, ເພື່ອປົກປ້ອງສິດແລະຜົນປະໂຫຍດທີ່ຖືກຕ້ອງຕາມກົດໝາຍຂອງອົງກອນປະເພດຕ່າງໆໃນຕະຫຼາດຢ່າງເທົ່າທຽມກັນ.
ໃນ 6 ເດືອນຕົ້ນປີນີ້, ພາກສ່ວນປະຕິບັດກົດໝາຍດ້ານສິດທິບັດແລະເຄື່ອງໝາຍສິນຄ້າຂອງທົ່ວປະເທດໄດ້ປະຕິບັດກົດໝາຍໂດຍສັງລວມ ເຊິ່ງໄດ້ກວດກາແລະແກ້ໄຂຄະດີທີ່ລ່ວງລະເມີດຊັບສິນທາງປັນຍາແລະປອມລວມທັງໝົດ 6.529 ຄະດີ, ກວດກາແລະແກ້ໄຂຄະດີຜິດກົດໝາຍກ່ຽວກັບເຄື່ອງໝາຍສິນຄ້າ 11.500 ຄະດີ. ຜ່ານຈາກການຈັດການເຄື່ອນໄຫວຈັດຕັ້ງປະຕິບັດກົດໝາຍການບໍລິຫານຢ່າງມີຈຸດສຸມ, ຊຸກຍູ້ການສ້າງລະບົບປະສານງານປົກປ້ອງຊັບສິນທາງປັນຍາ, ເພີ່ມທະວີການຮ່ວມມືສາກົນດ້ານການປົກປ້ອງຊັບສິນທາງປັນຍາແລະມາດຕະການອື່ນໆ, ຈີນໄດ້ເພີ່ມຄວາມເຂັ້ມງວດໃນການປົກປ້ອງຊັບສິນທາງປັນຍາຢ່າງຕໍ່ເນື່ອງ.
ຜູ້ຊີ້ນຳກ່ຽວຂ້ອງຂອງອົງການຊັບສິນທາງປັນຍາແຫ່ງຊາດຈີນກ່າວວ່າ, ໃນຕໍ່ໜ້າຈະຊຸກຍູ້ການວາງນະໂຍບາຍກ່ຽວກັບການປົກປ້ອງຊັບສິນທາງປັນຍາ, ເພີ່ມທະວີການຊີ້ນຳວຽກງານປະຕິບັດກົດໝາຍການບໍລິຫານກ່ຽວກັບສິດທິບັດແລະເຄື່ອງໝາຍສິນຄ້າຕື່ມອີກ, ເພີ່ມຄວາມເຂັ້ມງວດໃນການກວດກາລົງໂທດຕໍ່ການກະທຳທີ່ລ່ວງລະເມີດສິດທິບັດ, ສ້າງສະພາບແວດລ້ອມປະດິດສ້າງໃໝ່ແລະສະພາບແວດລ້ອມການດຳເນີນທຸລະກິດໃຫ້ດີກວ່າເກົ່າ.
ຄຳເຫັນ
0