ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ອົງການສະຖິຕິແຫ່ງຊາດຈີນໄດ້ລະບຸໃນ “ບົດລາຍງານໝາກຜົນຂອງການພັດທະນາເສດຖະກິດ-ສັງຄົມຂອງຈີນໃນໂອກາດສະຖາປະນາສາທາລະນະລັດ ປະຊາຊົນຈີນຄົບຮອບ 70 ປີ” ເຊິ່ງໄດ້ຊີ້ໃຫ້ເຫັນວ່າ: ໃນເບື້ອງຕົ້ນ, ສປ ຈີນມີຄວາມສາມາດຜະລິດພະລັງງານບໍ່ພຽງພໍ ແລະໃນລະບັບຕ່ຳ. ໃນປີ 1949, ສາມາດຜະລິດຖ່ານຫີນໄດ້ພຽງແຕ່ 20 ລ້ານໂຕນ. ຕະຫຼອດໄລຍະ 70 ປີຜ່ານມາ, ຄວາມສາມາດການຜະລິດພະລັງງານຂອງຈີນໄດ້ມີຄວາມວ່ອງໄວ ແລະສູງຂຶ້ນ ແລະກາຍເປັນປະເທດອັນດັບ 1 ໃນການຜະລິດພະລັງງານໃນໂລກ, ໄດ້ສ້າງລະບົບການຜະລິດຖ່ານຫີນ, ນ້ຳມັນເຊື້ອໄຟ, ອາຍແກັສທຳມະຊາດ ແລະພະລັງງານໝູນວຽນທີ່ພັດທະນາໄປຄູ່ກັບ. ໃນປີ 2018, ສາມາດຜະລິດຖ່ານຫີນໄດ້ 3,77 ຕື້ໂຕນ, ເພີ່ມຂຶ້ນ 157,8 ເທົ່າເມື່ອທຽບໃສ່ປີ 1949, ມີຈັງຫວະການເຕີບໂຕສະເລ່ຍຕໍ່ປີ 7,6%. ໃນໄລຍະ 70 ປີຜ່ານມາ, ຖ່ານຫີນກວມອັດຕາໄດ້ຫຼຸດລົງຢ່າງຕໍ່ເນື່ອງ, ຕ່ຳທີ່ສຸດແມ່ນປີ 2018 ກວມ 69,3%; ນ້ຳມັນດິບກວມອັດຕາໄດ້ເພີ່ມສູງຂຶ້ນເຖິງ 24,8% ໃນປີ 1976 ຈາກນັ້ນໄດ້ຫຼຸດລົງເລື້ອຍໆ, ໃນປີ 2018 ເຫຼືອພຽງ 7,2% ເທົ່ານັ້ນ.
ຄຳເຫັນ
0