ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານຊິນຮວາລາຍງານວ່າ: ໃນກອງປະຊຸມຖະແຫຼງຂ່າວທີ່ກະຊວງການຕ່າງປະເທດຈີນຈັດຂຶ້ນໃນວັນທີ 13 ສິງຫານີ້, ມີນັກຂ່າວຖາມວ່າ: ຕາມຂ່າວແຈ້ງວ່າ, ວັນທີ 12 ສິງຫານີ້, ນາງ ແນນຊີ ເປໂລຊີ ປະທານສະພາຕ່ຳອາເມຣິກາ, ທ່ານມິສ ແມັກຄອນເນວ ສະມາຊິກສະພາສູງອາເມຣິກາແລະທ່ານອື່ນໆໄດ້ລົງຄວາມເຫັນທາງ Twitter ທີ່ເປັນສື່ສັງຄົມອອນລາຍ ໂດຍຕຳໜິວິຈານວ່າ ເຈົ້າໜ້າທີ່ຕຳຫຼວດເຂດບໍລິຫານພິເສດຮົງກົງຈີນປາບປາມຜູ້ປະທ້ວງດ້ວຍກຳລັງຮຸນແຮງ, ທັງວິຈານຢ່າງໄຮ້ເຫດຜົນວ່າ ລັດຖະບານຈີນໄດ້ບຽດບຽນປະຊາທິປະໄຕແລະເສລີພາບຂອງຮົງກົງ, ຂໍຖາມທ່ານແດ່ ຝ່າຍຈີນມີຄວາມເຫັນແນວໃດຕໍ່ກັບເລື່ອງນີ້?
ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວວ່າ: ອາເມຣິກາປະຕິເສດຊ້ຳແລ້ວຊ້ຳອີກວ່າ ເຫດການໃຊ້ກຳລັງຮຸນແຮງທີ່ກຳລັງເກີດຂຶ້ນຢູ່ຮົງກົງນັ້ນບໍ່ມີສ່ວນກ່ຽວຂ້ອງກັບອາເມຣິກາ, ແຕ່ວ່າ ຖ້ອຍຄຳຂອງສະມາຊິກສະພາອາເມຣິກາຫຼາຍຄົນເຫຼົ່ານີ້ໄດ້ເປັນການຢັ້ງຢືນຫຼັກຖານໃໝ່ທີ່ແທ້ຈິງຕໍ່ຊາວໂລກ. ເຂົາເຈົ້າໄດ້ຍົກຍໍປໍ້ປັ້ນອາຊະຍາກຳທີ່ໃຊ້ກຳລັງຮຸນແຮງວ່າເປັນການການສະແຫວງຫາສິດທິມະນຸດແລະເສລີພາບ, ບິດເບືອນເລື່ອງທີ່ເຈົ້າໜ້າທີ່ຕຳຫຼວດຮົງກົງປະຕິບັດກົດໝາຍ, ປາບປາມອາຊະຍາກຳແລະປົກປັກຮັກສາຄວາມເປັນລະບຽບຮຽບຮ້ອຍທາງສັງຄົມຕາມກົດໝາຍນັ້ນວ່າເປັນການປາບປາມດ້ວຍກຳລັງຮຸນແຮງ. ເຂົາເຈົ້າຍັງຍຸແຍ່ໃຫ້ປະຊາຊົນຮົງກົງຕໍ່ຕ້ານກັບອົງການປົກຄອງເຂດບໍລິການພິເສດຮົງກົງແລະລັດຖະບານຈີນ.
ທ່ານນາງຮວ້າຊຸ່ນຢິງກ່າວຕື່ມວ່າ, ພວກເຮົາກ່າວເຕືອນໃຫ້ອາເມຣິກາຢ່າງເຄັ່ງຂຶມວ່າ ວຽກງານຮົງກົງເປັນວຽກງານພາຍໃນຂອງຈີນເທົ່ານັ້ນ, ອາເມຣິກາບໍ່ມີສິດແລະ ບໍ່ມີຄຸນວຸດທິຕຳໜິວິຈານຢ່າງຂາດຄວາມຮັບຜິດຊອບຕໍ່ວຽກງານຮົງກົງ.
ຄຳເຫັນ
0