ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໄລຍະມໍ່ໆຜ່ານມານີ້, ເຫດການໃຊ້ກຳລັງຮຸນແຮງທີ່ຜິດກົດໝາຍຢ່າງໜັກໜ່ວງເຊິ່ງເກີດຂຶ້ນຢູ່ເຂດບໍລິຫານພິເສດຮົງກົງຈີນໄດ້ເພີ່ມຄວາມຮຸນແຮງຂຶ້ນຢ່າງຕໍ່ເນື່ອງ,ຈຳພວກທີ່ມີເຈດຕະນາບໍ່ດີຈຳນວນໜຶ່ງຢູ່ອາເມຣິກາແລະປະເທດຕາເວັນຕົກອື່ນໆທີ່ຢູ່ ສາກຫຼັງມາໂດຍຕະຫຼອດໄດ້ເປີດເຜີຍໂຕຕົນທີ່ແທ້ຈິງ,ຍຸແຍ່ປຸກປັ່ນສະແດງຕົວເປັນຄູສອນພວກຫົວຮຸນແຮງເຊີ່ງເປັນການແຊກແຊງວຽກງານພາຍໃນຮົງກົງຢ່າງບັງອາດເປີດແປນ.
ນັບຕັ້ງແຕ່ພວກຫົວຮຸນແຮງຮົງກົງກໍ່ເຫດການໃຊ້ກຳລັງຮຸນແຮງຕ່າງໆໂດຍຖືການຄັດຄ້ານດັດແກ້ກົດໝາຍທີ່ກ່ຽວຂ້ອງເປັນຂໍ້ອ້າງໃນເດືອນມິຖຸນາເປັນຕົ້ນມາ, ບຸກຄົນໃນປະເທດຕາເວັນຕົກຈຳນວນໜຶ່ງເຊັ່ນ: ອັງກິດ, ອາເມຣິກາແລະປະເທດອື່ນໆໄດ້ຕັ້ງໃຈບິດເບືອນ ການເຄື່ອນໄຫວທີ່ໃຊ້ກຳລັງຮຸນແຮງວ່າເປັນການເດີນຂະບວນປະທ້ວງໂດຍສັນຕິ,ແລ້ວຍົກຍໍປໍປັ້ນການກະທຳໃຊ້ກຳລັງຮຸນແຮງຢ່າງບັງອາດ, ໃສ່ຮ້າຍປ້າຍສີມາດຕະການທີ່ເປັນທຳຂອງເຂດບໍລິຫານພິເສດຮົງກົງແລະເຈົ້າໜ້າທີ່ຕຳຫຼວດຮົງກົງໃນການປົກປ້ອງລະບົບກົດໝາຍແລະຄວາມເປັນລະບຽບຮຽບຮ້ອຍຂອງສັງຄົມ,ຍິ່ງກວ່ານັ້ນໄດ້ໃສ່ຮ້າຍປ້າຍສີວ່າ ລັດຖະບານຈີນຕັດຮອນສິດເສລີພາບແລະສິດທິດ້ານອື່ນໆຂອງຮົງກົງ, ເຊິ່ງເປັນຖ້ອຍຄຳແລະການກະທຳທີ່ຮ້າຍແຮງແບບບໍ່ຄ່ອຍພົບເຫັນໃນໂລກມາກ່ອນ.
ໃນໄລຍະມໍ່ໆມານີ້, ອິດທິກຳລັງພາຍນອກໄດ້ແຊກແຊງວຽກງານພາຍໃນຮົງກົງນັບມື້ນັບຮຸນແຮງຂຶ້ນ, ທ່ານໂດມີນິກ ຣັບ ລັດຖະມົນຕີກະຊວງການຕ່າງປະເທດອັງກິດໄດ້ວາງມາດແບບນັກລ່າຫົວເມືອງຂຶ້ນໃນອະດີດ ດ້ວຍການໂທຫາຜູ້ວ່າການເຂດບໍລິຫານພິເສດຮົງກົງໂດຍກົງເພື່ອສ້າງແຮງກົດດັນ. ຂະນະທີ່ເຈົ້າໜ້າທີ່ສະຖານກົງສຸນໃຫຍ່ອາເມຣິກາປະຈຳຮົງກົງທີ່ພົບປະກັບຫົວໜ້າກຸ່ມ “ເພື່ອຄວາມເປັນເອກະລາດຂອງຮົງກົງ” ຢູ່ຮົງກົງໃນເມື່ອບໍ່ດົນມານີ້ແລະລົງຮູບພາບທາງສື່ສັງຄົມອອນລາຍ, ໂຄສົກກະຊວງການຕ່າງປະເທດອາເມຣິກາພັດໄດ້ຍ້ອງຍໍຊົມເຊີຍກ່ຽວກັບເລື່ອງນີ້. ຜົນຮ້າຍທີ່ອິດທິກຳລັງພາຍນອກໃຫ້ການສະໜັບສະໜູນແລະປະກອບສ່ວນເຂົ້າໃນການສ້າງຄວາມວຸ້ນວາຍຢູ່ຮົງກົງດ້ວຍການເຄື່ອນໄຫວໃຊ້ກຳລັງຮຸນແຮງຢ່າງຍືດເຍື້ອຍາວນານນັ້ນໄດ້ສ້າງຜົນກະທົບໃຫ້ແກ່ຮົງກົງຢ່າງໜັກໜ່ວງ, ຮົງກົງທີ່ຖືກຂະໜານນາມວ່າ “ໄຂ່ມຸກຕາເວັນອອກ” ນັ້ນກຳລັງຜະເຊີນກັບຄວາມສ່ຽງທີ່ຈະຊຸດໂຊມລົງ.
ພວກເຮົາຂໍກ່າວເຕືອນຢ່າງເຄັ່ງຂຶມຕໍ່ອິດທິກຳລັງພາຍນອກຈຳນວນໜຶ່ງຢ່າສູ່ປະເມີນສະຖານະການໄປໃນທາງທີ່ຜິດ, ຢ່າສູ່ຕີລາຄາຕ່ຳຕໍ່ຈິດໃຈອັນເຂັ້ມແຂງແລະຄວາມຕັດສິນໃຈຢ່າງເດັດດ່ຽວໜຽວແໜ້ນຂອງລັດຖະບານແລະປະຊາຊົນຈີນໃນການປົກປ້ອງອະທິປະໄຕ, ຄວາມໝັ້ນຄົງ, ຄວາມເປັນເອກະພາບຂອງຊາດ,ກໍຄືປົກປັກຮັກສາຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງ. ບໍ່ວ່າ ຮົງກົງຈະເກີດເຫດການຫຍັງກໍຕາມ, ພວກເຮົາມີຫຼາຍວິທີແລະມີກຳລັງອັນເຂັ້ມແຂງຢ່າງພຽງພໍເພື່ອຮັບມືຢ່າງສຸຂຸມທຸ່ນທ່ຽງ.ສຳລັບພວກອິດທິກຳລັງພາຍນອກທີ່ກໍ່ເລື່ອງຢ່າງຜິດກົດໝາຍນັ້ນ, ພວກເຮົາພ້ອມກັນເປັ່ງສຽງຮ້ອງດັງໆດ້ວຍຄວາມເດັດຂາດວ່າ “ຈົ່ງຢຸດກະທຳເລື່ອງນີ້ສາ” .
ຄຳເຫັນ
0