ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວລາ 9 ໂມງເຄິ່ງຕອນເຊົ້າວັນທີ 20 ສິງຫານີ້, ກຳປັ່ນປະຕິບັດກົດໝາຍ 4 ລຳຂອງຈີນ ແລະ ມຽນມາໄດ້ອອກເດີນທາງຈາກທ່າກຳປັ່ນຈິງຮາກິ່ງແຂວງເຜົ່າລື້ສິບສອງພັນນາແຂວງຢຸນນານຈີນ ເຊິ່ງເປັນຂີດໝາຍສະແດງໃຫ້ເຫັນວ່າ, ການລາດຕະເວນປະຕິບັດກົດໝາຍຮ່ວມຕາມລຳແມ່ນ້ຳຂອງລະຫວ່າງຈີນ, ລາວ, ມຽນມາ ແລະ ໄທຄັ້ງທີ 85 ໄດ້ເລີ່ມຂຶ້ນແລ້ວ ເຊິ່ງຈະໃຊ້ເວລາ 4 ວັນ 3 ຄືນ.
ເຈົ້າໜ້າທີ່ຫ້ອງການຖະແຫຼງຂ່າວພະແນກປ້ອງກັນຄວາມສະຫງົບແຂວງຢຸນນານຈີນໃຫ້ຮູ້ວ່າ, ການເຄື່ອນໄຫວຄັ້ງນີ້ລວມມີການລາດຕາເວນເປັນຕອນ ແລະ ການລາດຕະເວນທັງໝົດຕາມລຳແມ່ນ້ຳຂອງຕາມທີ່ໄດ້ກຳນົດ. ໃນໄລຍະການເຄື່ອນໄຫວ, ກອງລາດຕະເວນປະຕິບັດກົດໝາຍຈະຮ່ວມກັນກວດກາສະພາບການ, ຮ່ວມກັນລົງຢ້ຽມຢາມປະຊາຊົນ ແລະ ໂຄສະນາການປາບປາມຢາເສບຕິດຢູ່ບ້ານຊຽງກົກ, ບ້ານມອມ ແລະ ເຂດສາມຫຼ່ຽມຄຳ ພ້ອມທັງຈັດຕັ້ງເຈົ້າໜ້າທີ່ປະຕິບັດກົດໝາຍຖອດຖອນບົດຮຽນການລ່ອງເຮືອດ້ວຍຄວາມປອດໄພ ຍ້ອນມີອຸບັດເຫດກຳປັ່ນເກີດຂຶ້ນເລື້ອຍໆໃນໄລຍະນ້ຳຂຶ້ນ. ນອກນີ້, ຍັງຈະໄດ້ຮ່ວມກັນຍົກຄວາມສາມາດປ້ອງກັນຄວາມປອດໄພ ແລະ ຄວາມສາມາດຊ່ວຍເຫຼືອສຸກເສີນຢູ່ຕາມລຳນ້ຳຂອງອີກດ້ວຍ.
ຄຳເຫັນ
0