ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ສິງຫານີ້, ອົງການການຄ້າກັບຕ່າງປະເທດແລະການລົງທຶນສະຫະພັນເຢຍລະມັນ ໄດ້ຂໍ້ມູນສະຖິຕິເບື້ອງຕົ້ນຈາກອົງການສະຖິຕິສະຫະພັນເຢຍລະມັນ ເຊິ່ງສະແດງໃຫ້ເຫັນວ່າ: ໃນ 6 ເດືອນຕົ້ນປີນີ້, ຈີນຍັງຄົງເປັນຄູ່ການຄ້າທີ່ສຳຄັນຂອງເຢຍລະມັນຄືເກົ່າ ແລະຍອດມູນຄ່າການຄ້າລະຫວ່າງສອງປະເທດໄດ້ບັນລຸປະມານ 99,2 ຕື້ເອີໂຣ.
ຂໍ້ມູນດັ່ງກ່າວສະແດງໃຫ້ເຫັນວ່າ: ໃນ 6 ເດືອນຕົ້ນປີນີ້, ຈີນເປັນປະເທດທີ່ສຳຄັນທີ່ສຸດໃນການສົ່ງອອກສິນຄ້າ ສູ່ເຢຍລະມັນທີ່ມີມູນຄ່າປະມານ 52 ຕື້ເອີໂຣ, ເພີ່ມຂຶ້ນ 4% ເມື່ອທຽບໃສ່ໄລຍະດຽວກັນຂອງປີຜ່ານມາ; ຂະນະດຽວກັນ, ຈີນຍັງເປັນປະເທດທີ່ສຳຄັນຂອງເຢຍລະມັນໃນການສົ່ງອອກສິນຄ້າຂອງຕົນ ໂດຍໄດ້ສົ່ງອອກໃນມູນຄ່າປະມານ 47,2 ຕື້ເອີໂຣໃນ 6 ເດືອນຕົ້ນປີນີ້, ເພີ່ມຂຶ້ນ 4,1% ເມື່ອທຽບໃສ່ໄລຍະດຽວກັນຂອງປີຜ່ານມາ ແລະເປັນອັນດັບ 3.
ຂໍ້ມູນດັ່ງກ່າວຍັງສະແດງໃຫ້ເຫັນວ່າ: ໃນປີ 2018 ຜ່ານມາ, ເຢຍລະມັນໄດ້ນຳເຂົ້າສິນຄ້າຈາກຈີນໃນມູນຄ່າປະມານ 106,2 ຕື້ເອີໂຣ, ເຮັດໃຫ້ຈີນກາຍເປັນປະເທດໃຫຍ່ທີ່ສຸດໃນການສົ່ງອອກສິນຄ້າສູ່ເຢຍລະມັນໃນ 4 ປີລຽນຕິດ.
ຄຳເຫັນ
0