ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ກັນຍານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນໄດ້ຕອບຈົດໝາຍຂອງ ອະທິການບໍດີແລະຜູ້ຊ່ຽວຊານຂອງໂຮງຮຽນຊັ້ນສູງທີ່ຕິດພັນກັບວຽກງານກະສິກຳຂອງທົ່ວປະເທດຈີນ, ໂດຍທ່ານໄດ້ໃຫ້ທິດຊີ້ນຳກ່ຽວກັບວຽກງານສິດສອນຢູ່ໂຮງຮຽນຊັ້ນສູງທີ່ຕິດພັນກັບວຽກງານກະສິກຳ, ສົ່ງເສີມແລະຕອບສະໜອງຕໍ່ຄວາມມຸ້ງມາດປາຖະໜາຂອງຄູອາຈານແລະນັກສຶກສາທັງຫຼາຍ.
ທ່ານສີຈິ້ນຜິງ ຊີ້ໃຫ້ເຫັນວ່າ, ພາຍຫຼັງສະຖາປະນາ ສປ ຈີນຂຶ້ນມາໄດ້ 70 ປີມານີ້, ໂຮງຮຽນຊັ້ນສູງທີ່ຕິດພັນກັບວຽກງານກະສິກຳຂອງທົ່ວປະເທດຈີນໄດ້ເອົາໃຈໃສ່ຕໍ່ໜ້າທີ່ຮັບຜິດຊອບໃນການສິດສອນຂອງຕົນໄດ້ເປັນຢ່າງດີ, ຕັ້ງໜ້າກໍ່ສ້າງຜູ້ທີ່ມີຄວາມຮູ້ຄວາມສາມາດທີ່ດີເດັ່ນ, ເພີ່ມທະວີການຄົ້ນຄວ້າທາງວິທະຍາສາດແລະການປະດິດສ້າງໃໝ່, ແລະໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາພາລະກິດ “ກະສິກຳ, ຊົນນະບົດແລະຊາວກະສິກອນ.”
ທ່ານສີຈິ້ນຜິງ ເນັ້ນໜັກວ່າ, ປະເທດຈີນຢາກຫັນເປັນທັນສະໄໝຕ້ອງຫັນກະສິກຳແລະຊົນນະບົດໃຫ້ເຫັນທັນສະໄໝສາກ່ອນ, ກະສິກຳແລະຊົນນະບົດຢາກຫັນເປັນທັນສະໄໝ, ຂອບສຳຄັນແມ່ນຂຶ້ນຢູ່ນຳວິທະຍາສາດເຕັກນິກແລະຜູ້ມີຄວາມຮູ້ຄວາມສາມາດ. ຫວັງວ່າພວກທ່ານຈະສືບຕໍ່ຖືເອົາວຽກງານການສຶກສາອົບຮົມເປັນພື້ນຖານ, ຖືເອົາການພັດທະນາກະສິກຳທີ່ເຂັ້ມແຂງເປັນໜ້າທີ່ຄວາມຮັບຜິດຊອບຂອງຕົນ, ສ້າງໝາກຜົນດ້ານວິທະຍາສາດເຕັກນິກໃຫ້ຫຼາຍກວ່າເກົ່າ, ສ້າງຜູ້ມີຄວາມຮູ້ຄວາມສາມາດແບບໃໝ່ທີ່ຮູ້ຈັກກະສິກຳ, ຮັກວຽກງານກະສິກຳຫຼາຍກວ່າເກົ່າ, ປະກອບສ່ວນໃຫຍ່ຫຼວງກວ່າເກົ່າເພື່ອຊຸກຍູ້ວຽກງານກະສິກຳແລະຊົນນະບົດຫັນເປັນທັນສະໄໝ, ຮັບປະກັນຄວາມປອດໄພດ້ານສະບຽງອາຫານຂອງຊາດ, ຍົກສູງລະດັບຊີວິດການເປັນຢູ່ແລະຄຸນສົມບົດສິນທຳຂອງຊາວກະສິກອນຫຼາຍຮ້ອຍລ້ານຄົນ, ຊຸກຍູ້ການປັບປຸງລະບົບພູຜາ, ນ້ຳ, ປ່າໄມ້, ດິນນາ, ໜອງນ້ຳແລະທົ່ງຫຍ້າ, ປະກອບສ່ວນອັນໃໝ່ໃຫຍ່ຫຼວງກວ່າເກົ່າເພື່ອເອົາຊະນະໃນບັ້ນລົບລ້າງຄວາມທຸກຍາກແລະຊຸກຍູ້ໃຫ້ຊົນນະບົດສາມາດສ້າງຄວາມຈະເລີນຮຸ່ງເຮືອງຢ່າງຮອບດ້ານ.
ຄຳເຫັນ
0