ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງເລຂາຂອງງານວາງສະແດງສິນຄ້າຈີນ-ອາຊຽນໄດ້ເຜີຍໃຫ້ຮູ້ໃນວັນທີ 7 ກັນຍານີ້ວ່າ, ປຶ້ມປົກສີຟ້າຫົວທຳອິດຂອງງານວາງສະແດງສິນຄ້າຈີນ-ອາຊຽນ ທີ່ພາດຫົວຂໍ້: “ບົດລາຍງານການພັດທະນາເຂດນິຄົມອຸດສາຫະກຳອາຊຽນພາຍໃຕ້ເງື່ອນໄຂເພີ່ມຄວາມສາມາດດ້ານການຮ່ວມມືການຜະລິດສາກົນຈີນ-ອາຊຽນ (2019)” ໄດ້ພິມຈຳໜ່າຍໃນຫວ່າງມໍ່ໆນີ້ ເຊິ່ງໄດ້ສະໜອງຂໍ້ມູນຕົວຈິງໃຫ້ແກ່ວິສາຫະກິດໃນການເປີດກວ້າງຄວາມສາມາດດ້ານການຮ່ວມມືການຜະລິດສາກົນ ແລະ ການຮ່ວມມືເຂດນິຄົມອຸດສາຫະກຳ.
ເຈົ້າໜ້າທີ່ກອງເລຂາງານວາງສະແດງສິນຄ້າຈີນ-ອາຊຽນກ່າວວ່າ, ປັດຈຸບັນ, ວິສາຫະກິດຈີນມີຄວາມຕ້ອງການຫຼາຍໃນການເພີ່ມຄວາມສາມາດດ້ານການຜະລິດສາກົນ ແລະ ລົງທຶນຢູ່ເຂດນິຄົມອຸດສາຫະກຳອາຊຽນ. ການພິມຈຳໜ່າຍປຶ້ມຫົວນີ້ມີຈຸດປະສົງແນະນຳນະໂຍບາຍອຸດສາຫະກຳ ແລະ ສະພາບແວດລ້ອມການລົງທຶນຢູ່ເຂດນິຄົມອຸດສາຫະກຳບັນດາປະເທດໃນອາຊຽນ ພ້ອມທັງອະທິບາຍນະໂຍບາຍ ແລະ ວິເຄາະຄວາມສ່ຽງ ເພື່ອສະໜອງຂໍ້ມູນທີ່ໄວ້ໃຈໄດ້ໃຫ້ແກ່ວິສາຫະກິດໄປລົງທຶນຢູ່ເຂດນິຄົມອຸດສາຫະກຳອາຊຽນ ແລະ ເຂົ້າຮ່ວມການເປີດກວ້າງຄວາມສາມາດດ້ານການຮ່ວມມືການຜະລິດສາກົນຈີນ-ອາຊຽນ.
ຄຳເຫັນ
0